চিটাৰা ডেস্ক, 10 আগষ্ট : কৌতুক অভিনেতা ৰাজু শ্ৰীবাস্তৱৰ অনুৰাগীসকললৈ দুঃখবৰ ৷ অভিনেতাজনৰ স্বাস্থ্যৰ অৱনতি ঘটাত ততাতৈয়াকৈ হাস্পতালত ভৰ্তি কৰোৱা হয় তেওঁক ৷ হৃদৰোগত আক্ৰান্ত হৈ দিল্লীৰ চৰকাৰী হাস্পতালত ভৰ্তি হৈ আছে অভিনেতাজন ৷
অভিনেতাজনৰ হাৰ্ট এটেক অহাৰ খবৰটো তেওঁৰ ভাতৃ আৰু পি আৰ অ’ই সদৰী কৰিছে ৷ জিমত ৱকআউট কৰি থাকোতেই অকস্মাতে স্বাস্থ্যৰ অৱনতি ঘটে তেওঁৰ ৷ ট্ৰেডমিলত (treadmill) ত শাৰীৰিক ব্যায়াম কৰি আছিল তেওঁ ৷ ট্ৰেডমিলত দৌৰি থাকোতে বুকুত বিষ অনুভৱ কৰি ঢলি পৰে তেওঁ ৷ লগে লগে চিকিৎসালয়লৈ লৈ যোৱা হয় তেওঁক ৷
তেওঁৰ পি আৰ অ’ই জানিবলৈ দিয়া মতে বৰ্তমানে তেওঁৰ স্বাস্থ্যৰ উন্নতি ঘটিছে ৷ পাল্ছ উভতি আহিছে তেওঁৰ ৷ খবৰটো বিয়পি পৰাৰ লগে লগে তেওঁৰ অনুৰাগী সকলে সুস্বাস্থ্য কামনা কৰি প্ৰাৰ্থনা জনাইছে নেদেখাজনৰ ওচৰত ৷
লগতে পঢ়ক : Shah rukh khan viral video: শ্বাহৰুখৰ প্ৰতিৰক্ষাত নামিল পুত্ৰ আৰিয়ান খান
