চিটাৰা ডেস্ক, ১১ ছেপ্টেম্বৰ: বলীউডৰ অভিনেত্ৰী পূজা ভাটে নিজৰ পেছাদাৰী জীৱনতকৈ অধিক নিজৰ ব্যক্তিগত জীৱনক লৈ চৰ্চাত থাকে ৷ শেহতীয়াকৈ অভিনেত্ৰীগৰাকীয়ে ‘Bigg Boss OTT 2’ ত অংশগ্ৰহণ কৰিছিল ৷ ইয়াৰ পিচত অবিৰতভাৱে বাতৰিৰ শিৰোনাম দখল কৰি আহিছিল অভিনেত্ৰীগৰাকীয়ে । বিগ বছৰ ঘৰত তেওঁৰ স্পষ্টবাদী শৈলী দৰ্শকে ভাল পাইছিল । শেহতীয়াকৈ অভিনেত্ৰীগৰাকীয়ে নিজৰ ব্যক্তিগত জীৱনৰ সন্দৰ্ভত বহু তথ্য প্ৰকাশ কৰিছে । বিগ বছৰ ঘৰৰ পৰা ওলাই অহাৰ পিচতে অভিনেত্ৰীগৰাকীয়ে মুকলিকৈ নিজৰ ব্যক্তিগত জীৱনৰ কথা প্ৰকাশ কৰা দেখা গৈছে ।
এই সময়ছোৱাত পূজাই নিজৰ সৈতে জড়িত বহু বছৰ পুৰণি বিতৰ্কক লৈ নিজৰ মৌনতা ভংগ কৰিছে । পিতৃ তথা চলচ্চিত্ৰ নিৰ্মাতা মহেশ ভাটৰ সৈতে চুমা খোৱা বিতৰ্কৰ সন্দৰ্ভত স্পষ্টকৈ কোৱা দেখা গৈছে অভিনেত্ৰীগৰাকীক ৷
পূজা ভাটে কয়, ‘‘সেইটো এটা মুহূৰ্ত আছিল, যিটো বৰ ধুনীয়াকৈ বন্দী হৈছিল । যেতিয়া মানুহে পিতৃ-কন্যাৰ সম্পৰ্ককো বেয়া চকুৰে চায়, তেতিয়া তেওঁলোকে যিকোনো কাম কৰিব পাৰে । মই মাত্ৰ সেই মানুহবোৰক ক’ব বিচাৰিছো যে তেওঁলোকে যি দেখিলে আৰু পঢ়িলে, ভৱিষ্যতেও তেওঁলোকে একেধৰণৰ কথা দেখিব আৰু পঢ়িব ।
সকলো বস্তুৰে দুটা দিশ থাকে
পূজা ভাটে লগতে কয়, ‘‘যিকোনো বস্তুৰ ভাল আৰু বেয়া দুটা পক্ষ থাকে । মোৰ মনত আছে এবাৰ শ্বাহৰুখ খানে মোক কৈছিল যে, ছোৱালী থাকিলে প্ৰায়ে মাক-দেউতাকক ছোৱালীজনীয়ে কয় মোক চুমা দিয়া । মই এতিয়াও নিজকে সৰু ছোৱালী বুলি গণ্য কৰোঁ আৰু মোৰ পাপাৰ বাবে মই সদায় তেওঁৰ সৰু কন্যা হৈয়ে থাকিম । মোৰ পাপা মোৰ বাবে সদায়ে পাপা হৈয়ে থাকিব ৷’’
কন্যাক চুমা খাই বিতৰ্কৰ মাজলৈ আহিছিল মহেশ ভাট
উল্লেখ্য যে, ৯০ৰ দশকত পূজা ভাট আৰু মহেশ ভাটে এখন আলোচনীৰ কভাৰৰ ফটোশ্বুট কৰিছিল । দুয়োগৰাকীয়ে এগৰাকীয়ে আনগৰাকীক চুমা খাইছিল । পিতৃ-কন্যাৰ এই ছবিখনে ছ’চিয়েল মিডিয়াত যথেষ্ট চৰ্চা লাভ কৰিছিল ৷ এই বিতৰ্কিত ফটোখনক লৈ সমগ্ৰ দেশতে বিতৰ্কৰ সৃষ্টি হৈছিল । বিতৰ্ক আৰু বাঢ়ি গৈছিল যেতিয়া মহেশ ভাটে কৈছিল যে পূজা ভাট যদি মোৰ কন্যা নহ’লহেঁতেন তেন্তে মই তাইক বিয়া কৰালোঁ হেতেন ।
লগতে পঢ়ক: AR Rahman: হঠাৎ কি হ’ল এ আৰ ৰহমানৰ সংগীতানুষ্ঠানত ?
