চিটাৰা ডেস্ক, 13 এপ্ৰিল: ছলমান খানৰ ছবি ‘কিছি কা ভাই কিছি কি জান’ৰ ষ্টাৰকাষ্ট সম্প্ৰতি সামাজিক মাধ্যমত চৰ্চাত আছে ৷ এই ছবিখনৰ জৰিয়তে বলীউডত আত্মপ্ৰকাশ কৰিব টেলিভিজন অভিনেত্ৰী শ্বেতা তিৱাৰীৰ কন্যা পলক তিৱাৰী ৷ শেহতীয়াকৈ এটা সাক্ষাৎকাৰত পলকে ছলমানৰ সৈতে কাম কৰাৰ অভিজ্ঞতাৰ বিষয়ে উল্লেখ কৰে ৷ লগতে ছলমান খানৰ বিষয়ে এটা ডাঙৰ কথা প্ৰকাশ কৰে অভিনেত্ৰীগৰাকীয়ে (Salman Khan set)। পলকে কয় যে ছলমানৰ ছবিৰ চেটত ছোৱালীৰ সাজ-পোছাক সন্দৰ্ভত নিয়ম নিৰ্ধাৰণ কৰা হয় (Palak Tiwari Salman Khan) ।
পলক তিৱাৰীয়ে ছলমান খানৰ সন্দৰ্ভত ক’লে এই কথা
পলকে কয়, "মই ছলমান খানৰ শেষৰখন ছবিত সহকাৰী পৰিচালক হিচাবে কাম কৰিছিলো ৷ এই কথাটো বহুতে জানে বুলি মই নাভাবো, ছলমান ছাৰৰ এটা নিয়ম আছে যে মোৰ চেটত থকা ছোৱালীবোৰৰ নেকলাইন থাকিব লাগে। সকলো ছোৱালীয়ে নিজকে ঢাকি ৰাখিব লাগে । ভাল ছোৱালীৰ দৰে । গতিকে যেতিয়া মায়ে মোক চাৰ্ট-জগাৰ পৰিধান কৰি চেটত যোৱা দেখিলে ৷ তেতিয়া মায়ে মোক সুধিলে মই ক’লৈ গৈ আছো ?
'ছলমানে বিচাৰে শ্বুটিঙৰ চেটত ছোৱালীক সুৰক্ষা দিয়া
পলকে লগতে কয়, "গতিকে মই উত্তৰ দিলোঁ - মই ছলমান ছাৰৰ চেটলৈ গৈ আছো । মায়ে ক’লে - ৱাহ । এইটো বৰ ভাল । তেওঁ মোক সুধিলে ছোৱালীৰ বাবে এনে নিয়ম কিয় বনোৱা হৈছে ? তেতিয়া মই তেওঁক কলো- তেওঁ এজন পৰম্পৰাবাদী, অৱশ্যেই তেওঁ কয় যে যি মন যায় পৰিধান কৰা, কিন্তু তেওঁৰ সদায় অনুভৱ হয় যে তেওঁৰ লগত কাম কৰা ছোৱালীবোৰক সুৰক্ষা দিয়াটো তেওঁৰ দায়িত্ব ।"
- " class="align-text-top noRightClick twitterSection" data="
">
পলকে কয়, "কাৰণ ছবি এখনৰ চেটত এনেকুৱা বহু পুৰুষ থাকে যিসকলক ছোৱালীয়ে ব্যক্তিগতভাৱে চিনি নাপায় ৷ গতিকে সেই ঠাইখন ছোৱালীৰ ব্যক্তিগত স্থান নহয় আৰু তাত থকা সকলোকে বিশ্বাস কৰিব নোৱাৰি... এনে পৰিস্থিতিত ছলমান ছাৰে নিশ্চিত কৰিবলৈ চেষ্টা কৰে যে মহিলাসকল সদায় নিৰাপদে থাকক ।"
পলকৰ বলীউডৰ যাত্ৰা
পলক তিৱাৰীৰ এই মন্তব্য শুনি হয়তো বহু লোক আচৰিত হ’ব (Girls on the Salman Khan set) । কাৰণ ছলমান খানৰ এই দিশটো প্ৰায় কোনোৱেই গম নাপায় । পলকৰ কথা ক’বলৈ গ’লে দবাং খানৰ ছবিখন অভিনেত্ৰীগৰাকীৰ বাবে এটা ডাঙৰ সুযোগ । বলীউডত আত্মপ্ৰকাশ কৰাৰ পূৰ্বেই ছ’চিয়েল মিডিয়াৰ তাৰকা পলক । ইনষ্টাত পলকৰ গ্লেমাৰাছ অভিনয়ে অনুৰাগীৰ হৃদস্পন্দন বৃদ্ধি কৰে । পলকৰ শেহতীয়া গীত বিজলী বিজলীৰ জৰিয়তে আৰু অধিক জনপ্ৰিয় হৈ পৰিছিল পলক ৷
২১ এপ্ৰিলত মুক্তি লাভ কৰিব ‘কিছি কা ভাই কিচি কি জান’ ছবিখন (Kisi ka bhai kisi ki jaan) । সঞ্জয় দত্তৰ সৈতে পলকৰ অভিনীত আগন্তুক ছবি ‘দ্য ভাৰ্জিন ট্ৰি’ও আহি আছে ।
লগতে পঢ়ক: Palak Tiwari Birthday, 22 বছৰীয়া জন্মদিনত চাওক পলক তিৱাৰীৰ কেইটামান গ্লেমাৰাছ লুক
