চিটাৰা ডেস্ক, ১৭ ডিচেম্বৰ: বি-টাউনৰ 'দিলবাৰ গাৰ্ল' নোৰা ফাতেহীৰ নৃত্য আৰু ফেশ্বনত মোহিত অনুৰাগী । বাহুবলীৰ পৰা ভাৰত আৰু ষ্ট্ৰীলৈকে ছবিত আইটেম গীতেৰে জনপ্ৰিয়তা অৰ্জন কৰিছিল অভিনেত্ৰীগৰাকীয়ে ৷ সকলোৱে নোৰাক আইটেম গীতত দেখিছে ৷ কিন্তু এতিয়া পোনপ্ৰথমবাৰৰ বাবে নোৰা ফাতেহীক পৰ্দাত মুখ্য চৰিত্ৰত অভিনয় কৰা দেখা যাব ।
নোৰা ফাতেহীয়ে বহু ছবিত কাম কৰিছে যদিও বলীউডত মুখ্য অভিনেত্ৰী হিচাপে কাম কৰাৰ সুযোগ পোৱা নাছিলে । অৱশ্যে এতিয়া অভিনেত্ৰীগৰাকীয়ে লিড ৰ’ল হিচাপে প্ৰথমখন ছবি লাভ কৰিছে । বিদ্যুৎ জামৱালৰ সৈতে ‘ক্ৰেক’ ছবিখনত মুখ্য চৰিত্ৰত দেখা যাব নোৰাক ।
নোৰা ফাতেহীৰ ছবিৰ শ্বুটিং সম্পূৰ্ণ হ’ল
নোৰা ফাতেহীৰ ছবি ক্ৰেকৰ শ্বুটিং সম্পূৰ্ণ হৈছে । অভিনেত্ৰীগৰাকীয়ে নিজৰ ইনষ্টাগ্ৰাম একাউণ্টত ৰেপ আপ শ্বুটিঙৰ বহুকেইখন ফটো শ্বেয়াৰ কৰিছে । চেটত হাতত ক্লিপ বৰ্ড লৈ বডিকন ড্ৰেছ আৰু ডেনিম জেকেট পৰিধান কৰি পোজ দিছে অভিনেত্ৰীগৰাকীয়ে । এখন ফটোত অভিনেত্ৰীগৰাকীয়ে হাতত ফুলৰ থোপা লৈ পোজ দিয়া দেখা গৈছে ।
নোৰাই শ্বেয়াৰ কৰিলে ৰেপ আপ শ্বুটৰ ফটো
ফটোসমূহ শ্বেয়াৰ কৰি নোৰা ফাতেহীয়ে কেপচনত লিখিছে, "ক্ৰেকৰ শ্বুটিং শেষ হ’ল । সমগ্ৰ দলটোৰ সৈতে মোৰ অভিজ্ঞতা আছিল অতি বিশেষ । মোক এই ছবিখন মুখ্য চৰিত্ৰত অভিনয় কৰাৰ সুযোগ দিয়াৰ বাবে আদিত্য দত্ত, বিদ্যুৎ জামৱাল আৰু সমগ্ৰ দলটোক ধন্যবাদ জনাইছো । মই শ্বুটিঙৰ চেট বহুত কিবা কিবি শিকিবলৈ পাইছো আৰু মই এই ছবিখন বিশ্বই চাবলৈ আগ্ৰহেৰে অপেক্ষা কৰি আছো । ছবিখন ২০২৪ চনৰ ২৩ ফেব্ৰুৱাৰীত মুক্তি পাব । "
নোৰা ফাতেহীয়ে লগতে লিখিছে, "চেটলৈ অহাৰ পিচত মোক সদায় ফুল দিয়াৰ বাবে ধন্যবাদ । ই মোক সদায় বিশেষ অনুভৱ কৰাইছিল ।" উল্লেখ্য যে, এই ছবিখন পৰিচালনা কৰিছে আদিত্য দত্তই ।
লগতে পঢ়ক: বক্স অফিচত অব্যাহত এনিমেলৰ ব্যাপক উপাৰ্জন
