চিটাৰা ডেস্ক, 10 নৱেম্বৰ: আৰম্ভ হৈছে কৰণ জোহৰৰ আড্ডা শ্ব’ কফি উইথ কৰণ 8 । বলীউডৰ জনপ্ৰিয় দম্পতী দীপিকা পাডুকন আৰু ৰণবীৰ সিঙৰ পৰা আৰম্ভ হৈছিল এই শ্ব’টোৰ প্ৰথম খণ্ড । এতিয়ালৈকে অনন্যা পাণ্ডে, ছাৰা আলী খান আৰু দেওল ভাতৃদ্বয়ক এই শ্ব’টোত দেখা গৈছিল ৷ কৰণ জোহৰে যি উচ্চ পৰ্যায়ৰে শ্ব’টো আৰম্ভ কৰিছিল, সেই উচ্চ পৰ্যায়তে শ্ব’টো শেষ কৰিব বিচাৰিছে । যাৰ বাবে তেওঁ শ্ব’টোৰ ফাইনেল এপিচ’ডৰ বাবে ছলমান খানক নিমন্ত্ৰণ জনাইছে । ছলমানক ‘কফি উইথ কৰণ’ শ্ব’টোত দেখা অনুৰাগীৰ বাবে যথেষ্ট ৰোমাঞ্চকৰ হ’ব ।
সংবাদ মাধ্যমৰ খবৰ অনুসৰি ছলমান খান আহিব পাৰে কফি উইথ কৰণ 8 শেষৰ খণ্ডটোত । কৰণ জোহৰে ছলমানক শ্ব’টোত আনিবলৈ উৎসাহিত হৈ পৰিছে আৰু তেওঁ ভাইজানৰ সৈতেও ইতিমধ্যেই এই বিষয়ে কথা পাতিছে ।
ছলমানৰ লগত কোন আহিব শ্ব’টোত ?
অৱশ্যে কফি উইথ কৰণ 8 ত ছলমান খান সঁচাকৈ আহিব নে নাই ইয়াৰ কোনো আনুষ্ঠানিক তথ্য এতিয়াও প্ৰকাশ হোৱা নাই । আনহাতে, ছলমান খানৰ লগত কোন অভিনেতাক শ্ব’টোত দেখা পোৱা যাব সেয়াও এতিয়ালৈকে জানিব পৰা হোৱা নাই । এটা ডাঙৰ খণ্ডৰে ছিজনটো শেষ কৰাৰ লক্ষ্য কৰণৰ আৰু যদি ছলমান খান আহে শ্ব’টোৰ শেষৰটো খণ্ডত তেন্তে ই নিশ্চয় ডাঙৰ খণ্ড হৈ উঠিব ।
কফি উইথ কৰণ 8 ৰ কথা ক’বলৈ গ’লে আগন্তুক খণ্ডবোৰত আলিয়া ভাট আৰু কৰীণা কাপুৰ খান, কাজল আৰু ৰাণী মুখাৰ্জী, অজয় দেৱগন আৰু ৰোহিত শ্বেট্টীক দেখিবলৈ পোৱা যাব । শ্ব’টোৰ প্ৰ’ম’ মুকলি কৰা হৈছিল য’ত সকলো তাৰকাক শ্ব’টোত আনন্দ কৰা দেখা পোৱা গৈছিল । এই শ্ব’টো ডিজনী প্লাছ হটষ্টাৰত প্ৰচাৰিত হয় ।
ইফালে ছলমানৰ ৱৰ্ক ফ্ৰণ্টৰ কথা ক’বলৈ গ’লে দীপাৱলী উপলক্ষে মুক্তি পাব ছলমান খানৰ ছবি টাইগাৰ 3 ৷ 12 নৱেম্বৰত ছবিগৃহত মুক্তি পাব ছলমান খান আৰু কেটৰিণা কাইফৰ অভিনীত ছবিখন । ছবিখনত ইমৰাণ হাছমীক খলনায়কৰ চৰিত্ৰত দেখা যাব ।
লগতে পঢ়ক: Salman Khan: কিয় দেউতাকৰ চকুত চকু থৈ কথা নাপাতে ভাইজানে ?
