চিটাৰা ডেস্ক, 31 জুলাই: 2014 চনত বলীউডত আত্মপ্ৰকাশ কৰে কিয়াৰা আদৱানীয়ে। আজিৰ সময়ত অভিনেত্ৰীগৰাকীক বলীউডৰ শীৰ্ষ অভিনেত্ৰীসকলৰ ভিতৰত গণ্য কৰা হয় । কবীৰ সিং, শ্বেৰ শ্বাহৰ দৰে সকলো ছুপাৰহিট ছবিতে কিয়াৰাই নিজৰ উৎকৃষ্ট অভিনয়েৰে অনুৰাগীৰ হৃদয় জয় কৰিছে । আজি (31 জুলাই) অভিনেত্ৰীগৰাকীয়ে উদযাপন কৰিছে 31 সংখ্যক জন্মদিন । গতিকে জানো আহক 31 বছৰ বয়সত কিমান কোটি টকাৰ গৰাকী কিয়াৰা আদৱানী ৷
কিয়াৰাৰ মুঠ সম্পত্তি
খবৰ অনুসৰি কিয়াৰা আদৱানীয়ে এখন ছবিৰ বাবে 4ৰ পৰা 5 কোটি টকা লয় । কেৱল এয়াই নহয়, ব্ৰেণ্ড এডভাৰটাইজিঙৰ পৰাও বহু টকা উপাৰ্জন কৰে অভিনেত্ৰীগৰাকীয়ে । এণ্ডাৰছমেণ্টৰ বাবে প্ৰায় 2ৰ পৰা 3 কোটি টকা লয়। মুঠ 41 কোটি সম্পত্তিৰ মালিক কিয়াৰা আদৱানী ।
বিলাসী গাড়ীৰ সংগ্ৰহ কিয়াৰাৰ
বিলাসী বাহনৰ প্ৰতি যথেষ্ট আকৰ্ষিত কিয়াৰা আদৱানী । কিয়াৰাৰ বিলাসী বাহন সংগ্ৰহৰ ভিতৰত আছে বিএমডব্লিউ, অ’ডি আৰু মাৰ্চিডিজ । যাৰ মূল্য প্ৰায় 60 লাখ টকা । মুম্বাইত নিজৰ বাসগৃহ আছে কিয়াৰা আদৱানীৰ ।
বিলাসী ঘৰ
খবৰ অনুসৰি মুম্বাইৰ পৰ্ছে এলেকাত কিয়াৰা আদৱানীৰ এটা বিলাসী ঘৰ আছে । যাৰ মূল্য প্ৰায় 15 কোটি বুলি কোৱা হৈছে । ইয়াৰ উপৰিও ছ’চিয়েল মিডিয়াতো কিয়াৰাৰ অধিক ফেন ফ’ল’ৱাৰ আছে আৰু ইয়াৰ বাবেই অভিনেত্ৰীগৰাকীয়ে ছ’চিয়েল মিডিয়াৰ পৰাও বহু টকা উপাৰ্জন কৰে ।
কিয়াৰা আদৱানীৰ ৱৰ্কফ্ৰন্ট
ৱৰ্ক ফ্ৰণ্টত কিয়াৰা আদৱানীক শেহতীয়াকৈ সত্যপ্ৰেম কি কথা ছবিখনক দেখা পোৱা গৈছিল ৷ ভূল ভুলাইয়া 2ৰ পিচত ছবিখনত পুনৰ কাৰ্তিক আৰিয়ানৰ সৈতে পৰ্দা শ্বেয়াৰ কৰা দেখা গৈছিল কিয়াৰা । বক্স অফিচত ছুপাৰ হিট হৈছিল ছবিখন।
