চিটাৰা ডেস্ক, 7 মে’: চলচ্চিত্ৰ জগতলৈ দুঃখবৰ ৷ দক্ষিণ চলচ্চিত্ৰ উদ্যোগৰ বিশিষ্ট অভিনেতা মোহন জুনেজাৰ শাৰিৰীক অসুস্থতাৰ বাবে মৃত্যু হৈছে (Kgf actor death) । শনিবাৰে পুৱতি নিশা মৃত্যু হয় অভিনেতাজন ৷ ব্লক বাষ্টাৰ ছবি 'কেজিএফ'ৰ দুয়োটা সংস্কৰণতে অভিনয় কৰিছিল অভিনেতাজনে (Kgf supporting cast) ।
মোহন জুনেজা দীৰ্ঘদিন ধৰি অসুস্থ হৈ আছিল । তেওঁ বেংগালুৰুৰ এখন ব্যক্তিগত চিকিৎসালয়ত চিকিৎসাধীন হৈ আছিল । কেজিএফ-চেপ্তাৰ২ চলচ্চিত্ৰত তেওঁক শেষবাৰৰ বাবে দেখা গৈছিল ।
মোহনে এটা দশক ধৰি বহুতো চলচ্চিত্ৰত সহঅভিনেতাৰ চৰিত্ৰত অভিনয় কৰিছিল । তামিল, তেলেগু, মালায়ালম আৰু হিন্দী ভাষাত ১০০ খনতকৈও অধিক চলচ্চিত্ৰত অভিনয় কৰিছিল তেওঁ (Kgf supporting cast name) । অভিনেতাজন তেওঁৰ অভিনয়ৰ শৈলীৰ বাবে জনাজাত ৷
মোহন জুনেজা তেওঁৰ অন্যতম চৰিত্ৰ চেল্লাটাৰ বাবে জনাজাত । এই চৰিত্ৰটো তেওঁৰ কেৰিয়াৰৰ প্ৰথম আৰু ডাঙৰ ব্ৰেক আছিল বুলি ক’ব পাৰি । ইয়াৰ উপৰিও জনপ্ৰিয় অভিনেতা মোহনক টিভি ধাৰাবাহিক ভিটাৰাকে ধৰি আৰু আন বহুতো টিভি ধাৰাবাহিকত দেখা গৈছিল ।
মোহনৰ অভিনয়ত দৰ্শকে জীৱন বিচাৰি পাইছিল ৷ এতিয়া অভিনেতাজনৰ মৃত্যুৰ খবৰে চলচ্চিত্ৰ উদ্যোগ আৰু তেওঁৰ অনুৰাগীসকল শোকাকুল কৰি তুলিছে ।
কৰ্ণাটকৰ টুমকুৰৰ বাসিন্দা আছিল মোহন জুনেজা । আজি অন্ত্যেষ্টিক্ৰিয়া কৰা হ’ব অভিনেতাজনৰ ৷
লগতে পঢ়ক: KGF 2 records: হিন্দী ছবিজগতত দ্বিতীয় সৰ্বাধিক উপাৰ্জনকাৰী ছবিৰ ৰূপত কেজিএফ-চেপ্তাৰ 2
