চিটাৰা ডেস্ক, 29 অক্টোবৰ : চুপাৰষ্টাৰ ছলমান খানক বিগ বছ 16 ৰ আহিবলগীয়া এটা খণ্ডত তেওঁৰ ধেমেলীয়া মেজাজাত দেখিবলৈ পোৱা যাব ৷ এইবাৰ উইকএণ্ড কা ভাৰ অধিক মনোৰঞ্জনমূলক কৰি তুলিবলৈ কেটৰিণা কাইফ তেওঁৰ আগন্তুক ছবি ফোন ভূতৰ সহ-অভিনেতা ঈশান খট্টৰ আৰু সিদ্ধান্ত চতুৰ্বেদীৰ সৈতে বিগ বছৰ ছেটত উপস্থিত হয় ।
- " class="align-text-top noRightClick twitterSection" data="
">
কালাৰছ টিভিয়ে শেহতীয়া খণ্ডটোৰ কেইবাটাও প্ৰ’ম’ মুকলি কৰিছে য’ত কেটৰিণাক আয়োজক ছলমানৰ সৈতে হাঁহি ধেমালিৰে সময় পাৰ কৰা দেখা গৈছে ৷ ইয়াৰে এটা প্ৰ’ম’ত ছলমানে কেটৰিণাক কোৱা দেখা গৈছে যে তেওঁ ভূত হৈ তেওঁৰ স্বামী অভিনেতা বিকী কৌশলৰ ওপৰত চোৰাংচোৱাগিৰি কৰিব বিচাৰিব ।
দৰাচলতে কেটৰিণাই ছলমানক সোধে যে যদি তেওঁ ভূতলৈ পৰিণত হয় তেন্তে তেওঁ কাক চোৰাংচোৱাগিৰি কৰিব বিচাৰিব । এই কথাত ছলমানে উত্তৰ দিয়ে, "এক বন্দা হাে উস্কা নাম বিকী কৌশল হে" ৷
স্বামীৰ নাম ছলমানৰ মুখত শুনি কেটৰিণা লাজতে ৰঙা পৰি গ’ল । কিয় বিকীক চোৰাংচোৱাগিৰি কৰিব বিচাৰে বুলি সোধাত ছলমানে কয়, "লাভিং হে, কেয়াৰিং হে য়া ডেৰিং হাই । উস্কে বাৰে মেইন বাট কৰ্তা হু তোহ আপ ব্লাছিং হে", ছলমানৰ উত্তৰ শুনি কেটৰিণাৰ মুখত এটি ডাঙৰ হাঁহি বিৰিঙি উঠিল ।
বিগ বছৰ শনিবাৰৰ খণ্ডটোত কেটৰিণা আৰু ছলমানে টিপ টিপ বৰছা পানী গীতত নৃত্য কৰা দেখিবলৈ পোৱা যাব । ইফালে চলচ্চিত্ৰৰ ক্ষেত্ৰত ছলমান আৰু কেটৰিণাই অহা বছৰ তেওঁলোকৰ অনুৰাগীসকলৰ বাবে এক বিশেষ দেৱালী উপহাৰ ৰাখিছে, কিয়নো তেওঁলোকৰ 'টাইগাৰ 3' 2023 চনৰ নৱেম্বৰত মুক্তি পাব (Salman Katrina upcoming movie)।
লগতে পঢ়ক : Kartik Aaryan latest news: আহমেদাবাদৰ ৰাজপথত প্ৰিয় অভিনেতাক দেখি ভিৰ কৰিলেহি অনুৰাগীয়ে
