চিটাৰা ডেস্ক, 8 অক্টোবৰ: অৱশেষত আজি অৰ্থাৎ বায়ুসেনা দিৱসত মুক্তি পালে কংগনা ৰানাৱটৰ আগন্তুক ছবি ‘তেজস’ৰ আটাইতকৈ প্ৰত্যাশিত ট্ৰেইলাৰ । এই ছবিখনত অভিনেত্ৰীগৰাকীয়ে এগৰাকী সাহসী বায়ুসেনাৰ পাইলটৰ চৰিত্ৰত অভিনয় কৰিছে । এই ছবিখনৰ কাহিনীত কংগনাৰ চৰিত্ৰটোক পাকিস্তানত বন্দী হোৱা এগৰাকী ভাৰতীয় চোৰাংচোৱাক উদ্ধাৰ কৰাৰ জৰুৰী কামৰ দায়িত্ব দিয়া হৈছে । লগতে চুবুৰীয়া দেশৰ এটা দূৰৱৰ্তী অংশত লুকাই থকা সন্ত্ৰাসবাদীৰ মুখামুখি হোৱা আৰু তেওঁলোকক নিষ্ক্ৰিয় কৰাৰ দায়িত্বও দিয়া হৈছে ৷
- " class="align-text-top noRightClick twitterSection" data="">
'তেজস'ৰ ট্ৰেইলাৰ
ট্ৰেইলাৰৰ আৰম্ভণিতে কংগনাৰ জ্যেষ্ঠ বিষয়াসকলে তেওঁক এই হাই-ৰিস্ক মিছনটো গতাই দিয়ে । দলটোৰ এজন গুৰুত্বপূৰ্ণ সদস্য হিচাপে কংগনাক পাকিস্তানত সন্ত্ৰাসবাদীয়ে আটক কৰি ৰখা এজন ভাৰতীয় অভিযন্তাক যি চোৰাংচোৱালৈ পৰিণত হৈছে তেওঁক উদ্ধাৰ কৰাৰ দায়িত্ব দিয়া হৈছে । এই অভিযন্তাৰ হাতত দেশৰ সুৰক্ষাৰ বাবে গুৰুত্বপূৰ্ণ তথ্য আছে । দুই মিনিটৰ ৰোমাঞ্চকৰ ট্ৰেইলাৰটোত কংগনাক তীব্ৰ যুঁজৰ মাজত দেখা যায় ।
ট্ৰেইলাৰটোত কংগনা ৰানাৱটে কিছুমান শক্তিশালী সংলাপ কোৱা দেখা গৈছে, যেনে "ভাৰত কো ছেৰেংগে তো নাহি ছোৰেংগে " আৰু "প্ৰতিবাৰেই কথা-বতৰা হোৱাটো প্ৰয়োজনীয় নহয়, এতিয়া যুদ্ধক্ষেত্ৰতো যুদ্ধ হ’ব লাগে"। ইতিমধ্যে এই সংলাপবোৰে ২ অক্টোবৰত মুক্তি পোৱা ছবিখনৰ টিজাৰত দেখুওৱাৰ সময়ত দৃষ্টি আকৰ্ষণ কৰিছিল ।
ট্ৰেইলাৰ মুকলিৰ পূৰ্বে কংগনা ৰানাৱটে তেজসৰ চেটত থকা বাস্তৱ জীৱনৰ বায়ুসেনাৰ বিষয়াসকলৰ সৈতে হোৱা সাক্ষাৎকাৰৰ ছবি শ্বেয়াৰ কৰিছিল । উল্লেখ্য যে, তেজসৰ ৰচনা আৰু পৰিচালনা কৰিছে সৰ্বেশ মেৱাদাৰ । পূৰ্বে ছবিখন ২০ অক্টোবৰত মুক্তি পাব বুলি ঘোষণা কৰিছিল নিৰ্মাতাই ৷ কিন্তু এতিয়া ছবিখনৰ মুক্তিৰ তাৰিখ এসপ্তাহ পিছুৱাই দিয়া হৈছে আৰু এতিয়া ২৭ অক্টোবৰত ছবিগৃহত মুক্তি পাব ছবিখন।
লগতে পঢ়ক: Tejas Teaser Out: ‘তেজস’ৰ শক্তিশালী টিজাৰ মুকলি, বায়ুসেনাৰ পাইলটৰ একচন অৱতাৰত কংগনা ৰানাৱট
