চিটাৰা ডেস্ক, ২২ ছেপ্টেম্বৰ: মুক্তিৰ পিচতে বক্স অফিচত ধুমুহাৰ সৃষ্টি কৰিছে শ্বাহৰুখ খানৰ ছবি জৱানে । মুক্তিৰ ১৫ দিনত ভাৰতত ৫০০ কোটি টকাৰ সীমা অতিক্ৰম কৰিছে ছবিখনে । জৱানৰ উপাৰ্জন এতিয়া অব্যাহত আছে বক্স অফিচত আৰু অতি সোনকালে এই ছবিখনে বহু ছবিৰ অভিলেখ ভংগ কৰাত সফল হ’ব । ইফালে আজি প্ৰকাশ পাইছে জৱানৰ ১৬ দিনৰ বক্স অফিচ সংগ্ৰহ ৷ উইকেণ্ডৰ দিনকেইটাত ছবিখনে অলপ কম সংগ্ৰহ লাভ কৰিছে যদিও ছুটিৰ দিনকেইটাত ভাল ব্যৱসায় কৰি আছে।
চলিত বৰ্ষৰ এই পৰ্যন্ত শ্বাহৰুখ খানৰ ছবি দুখন মুক্তি পোৱাৰ লগতে দুয়োখন ছবিয়েই ব্লকবাষ্টাৰ হৈছে। চলিত বৰ্ষৰ আৰম্ভণিতে মুক্তি পোৱা পাঠানে প্ৰথমে ভংগ কৰিছে বহু অভিলেখ আৰু এতিয়া জৱানে শীঘ্ৰে অভিলেখ ভংগ কৰাৰ পথত। ইয়াৰ পিচত এইখন বছৰৰ সৰ্বাধিক উপাৰ্জন কৰা ছবি হিচাপে পৰিগণিত হ’ব ।
- " class="align-text-top noRightClick twitterSection" data="">
১৬ দিনত কিমান হ’ল বক্স অফিচ সংগ্ৰহ কিমান ?
সপ্তাহৰ বাকী দিনকেইটাত জৱানে ভাল সংগ্ৰহ কৰি আছিল যদিও বন্ধৰ দিনটোত ছবিখনৰ উপাৰ্জনৰ উত্থান ঘটে । SACNILC ৰ প্ৰতিবেদন অনুসৰি ১৬ দিনত জৱানে সংগ্ৰহ কৰিছে ৭ কোটি টকা। ইয়াৰ লগে লগে মুঠ সংগ্ৰহ হয়গৈ ৫৩৩.৭৮ কোটি টকা । এই ছবিখনে উপাৰ্জনৰ ক্ষেত্ৰত গদৰ ২ ক পিছ পেলাবলৈ সক্ষম হৈছে ।
এই পৰ্যন্ত পাঠানৰ অভিলেখ ভংগ কৰিব নোৱাৰিলে জৱানে
সংবাদ মাধ্যমৰ বাতৰি অনুসৰি শ্বাহৰুখ খানৰ পাঠান ছবিখনৰ বক্স অফিচত আজীৱন সংগ্ৰহৰ মূল্য আছিল ৫৪৩.০৫ কোটি টকা । জৱানে এই অভিলেখ ভংগ কৰাৰ মাত্ৰ কিছু দূৰত ৷ অৱশ্য়ে উইকেণ্ডৰ ভিতৰত জৱান পাঠানৰ অভিলেখো ভংগ কৰিব বুলি অনুমান কৰিছে । গদৰ ২ ৰ অভিলেখ ভংগ কৰিছে জৱানে । গদৰ ২ৰ লাইফটাইম বক্স অফিচ সংগ্ৰহৰ মূল্য ৫২২ কোটি ।
শ্বাহৰুখ খানৰ জৱান ৱৰ্ল্ডৱাইডে অতি সোনকালে ১০০০ কোটি টকাৰ ক্লাবত যোগদান কৰিব । এই পৰ্যন্ত গোটেই বিশ্বজুৰি ৯০০ কোটিতকৈ অধিক ধন সংগ্ৰহ কৰিছে ছবিখনে ৷ এই ব্লকবাষ্টাৰ ছবিখন পৰিচালনা কৰিছে এটলীয়ে । ছবিখনত শ্বাহৰুখৰ সৈতে নয়নতৰা, বিজয় সেতুপথি, সান্যা মালহোত্ৰা, ৰিদ্ধি ডোগ্ৰাক গুৰুত্বপূৰ্ণ চৰিত্ৰত অভিনয় কৰা দেখা গৈছে। ছবিখনত দীপিকাৰ বিশেষ কেমিঅ’ আছিল ।
লগতে পঢ়ক: Tora's Husband released: আজি মুক্তি লাভ কৰিলে ৰীমা দাসৰ নতুন অসমীয়া ছবি 'তৰা’ছ হাজবেণ্ড'
