বলীউডৰ ছুপাৰষ্টাৰ ৰাজকুমাৰ ৰাৱে নিজৰ বলিষ্ঠ অভিনয়ৰ বাবেই দৰ্শকৰ মাজত এক বিশেষ স্থান গ্ৰহণ কৰিবলৈ সক্ষম হৈছে । বহু ছবিত তেওঁৰ উৎকৃষ্ট অভিনয়েৰে দৰ্শকক স্তম্ভিতও কৰি তুলিছে সেয়া লাগিলে নিউটন বা ট্ৰেপডৰ দ্বাৰাই হওক ৷ তেওঁ সদায় ভিন্ন চৰিত্ৰত কৰা অভিনয়েৰে সকলোকে আমোদ দি আহিছে ৷ যদিও ব্যক্তিগত জীৱনৰ কথা আহিলে তেওঁ ইয়াক অতি ব্যক্তিগতভাৱে ৰাখি ভাল পায় ।
শেহতীয়াকৈ তেওঁৰ এটি ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত তেওঁ পত্নী তথা অভিনেত্ৰী পত্ৰলেখাৰ সৈতে অন্তৰংগ মুহূৰ্ত উপভোগ কৰা দেখা গৈছে । তাৰ পিছত ছাকিব ছালিম আৰু হুমা কুৰেশ্বীয়ে তেওঁলোকক কিছু আমনি কৰা দেখা গৈছে ।
ৰাজকুমাৰ ৰাওৰ অন্তৰংগ মুহূৰ্ত নষ্ট কৰে ছাকিব-হুমাই
ৰাজকুমাৰ ৰাও আৰু পত্ৰলেখাৰ অন্তৰংগ মুহূৰ্তত থকা এটি ভিডিঅ’ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে । এই ভিডিঅ’টোত অভিনেতাগৰাকীয়ে ৰাজকুমাৰে পত্নী পত্ৰলেখাক সাৱটি ধৰি থকা দেখা গৈছে । ইয়াৰ লগতে দুয়োকে ইজনে সিজনৰ লগত কথা পাতি থাকোঁতে নিজৰ মাজতেই হেৰাই যোৱা দেখা গৈছে । তাৰ পাছত পিছফালৰ পৰা আহি হুমা কুৰেশ্বি আৰু চাকিব ছালিমে তেওঁলোকৰ ৰোমান্টিক মুহূৰ্তত বাধা প্ৰদান কৰে । দুয়োকে হঠাৎ দেখি ৰাজকুমাৰ আৰু পত্ৰলেখা আচৰিত হৈ পৰে আৰু তাৰ পিছত এক হাস্যকৰ মুহূৰ্তৰো সৃষ্টি হোৱা দেখা গৈছে । ইয়াৰ সমান্তৰালকৈ ফাৰাহ খানৰ নামো ভিডিঅ’টোত শুনা যায় ।
কেনেকৈ বিবাহ পাশত আৱদ্ধ হৈছিল ৰাজকুমাৰ-পত্ৰলেখা
উল্লেখ্য যে, ২০২১ চনত ৰাজকুমাৰ আৰু পত্ৰলেখা বিবাহপাশত আৱদ্ধ হৈছিল যদিও ২০১০ চনত প্ৰথমবাৰৰ বাবে তেওঁলোকৰ প্ৰেম কাহিনী আৰম্ভ হৈছিল । অনুৰাগীয়ে দুয়োৰে যুঁটিক খুবেই পছন্দ কৰিছিল । চিটিলাইটছ ছবিখনতো দুয়োৰে অভিনয় দৰ্শকে খুবেই পচন্দ কৰিছিল ৷ চিটিলাইটছ ৰাজকুমাৰ আৰু পত্ৰলেখাই একলগে অভিনয় কৰা তেওঁলোকৰ প্ৰথমখন ছবি ৷
এই ছবিবোৰত দেখা যাব ৰাজকুমাৰ ৰাওক
ৰাজকুমাৰ ৰাওৰ আগন্তুক ছবিৰ কথা ক’বলৈ গ’লে অতি শীঘ্ৰেই তেওঁক জাহ্নৱী কাপুৰৰ সৈতে ‘মিষ্টাৰ এণ্ড মিচেছ মাহী’ত দেখা যাব । দুয়োৰে এই ছবিখন অহা বছৰ ডাঙৰ পৰ্দাত মুক্তি পাবলৈ গৈ আছে । ইয়াৰ লগতে অভিনেতাগৰাকীক ‘ভিকি বিদ্যা কা ৱহ ৱালা ভিডিঅ’, ‘ষ্ট্ৰী ২’, এছ আৰ আইৰ দৰে কেইবাখনো ছবিত দেখিবলৈ পোৱা যাব ।
লগতে পঢ়ক: Sam Bahadur Teaser: বিকি কৌশল অভিনীত ছেম বাহাদুৰৰ শক্তিশালী টিজাৰ মুকলি
