চিটাৰা ডেস্ক, 27 জুলাই: অক্ষয় কুমাৰৰ আগন্তুক ছবি Oh My God 2’ অৰ্থাৎ OMG 2 মুক্তিৰ বাবে অপেক্ষা কৰি আছে অনুৰাগীয়ে । ছবিখনৰ পৰা শেহতীয়াকৈ অক্ষয় কুমাৰৰ মহাদেৱৰ লুক মুকলি কৰিছিল ৷ অক্ষয় কুমাৰৰ এই লুক অনুৰাগীয়ে পছন্দ কৰিছিল আৰু এতিয়া অনুৰাগীয়ে ছবিখনৰ মুক্তিৰ বাবে অপেক্ষা কৰি আছে ।
ছবিখনৰ মুক্তিৰ বাবে মাজত মাত্ৰ কেইটামান দিন বাকী আছে আৰু ইতিমধ্যেই ছবিখনৰ টিজাৰ, পোষ্টাৰ আৰু ট্ৰেইলাৰ মুক্তি পাইছিল ৷ ছবিখনৰ ট্ৰেইলাৰ চোৱাৰ পিচত অনুৰাগীসকলে ছবিখনৰ বাবে আগ্ৰহেৰে অপেক্ষা কৰি আছে । এতিয়া OMG 2 ছবিখনৰ আন এটা গীত মুকলি পাইছে ৷ গীতটিৰ নাম হৰ হৰ মহাদেৱ । এই গীতটোত মহাকালৰ অৱতাৰত দেখা গৈছে অক্ষয় কুমাৰক।
- " class="align-text-top noRightClick twitterSection" data="">
হৰ হৰ মহাদেৱ গীতটিত কোনে কণ্ঠদান কৰিছে ?
গীত হৰ-হৰ মহাদেৱৰ ৰচনা আৰু কণ্ঠদান কৰিছে কোভিচৰাম মণ্ট্ৰ’জে । গীতটিৰ কথা ৰচনা কৰিছে শেখৰ অস্তিত্বই। উল্লেখ যে, এই গীতটোত মহাদেৱৰ অৱতাৰত অক্ষয় কুমাৰৰ ৰূদ্ৰ ৰূপ দেখা গৈছে । এই অৱতাৰত প্ৰথমবাৰৰ বাবে দেখা গৈছে অক্ষয়ক ।
ছবিখনৰ ওপৰত চেঞ্চৰ ব’ৰ্ডৰ নিৰ্দেশনা
উল্লেখ্য যে, ছবিখন মুক্তি পোৱাৰ পূৰ্বে ছবিখন বিতৰ্কিত ভিজুৱেলৰ বাবে চেঞ্চৰ ব’ৰ্ডৰ সংশোধন সমিতিৰ তাত আছিল আৰু ব’ৰ্ডে ছবিখনত 20 টা কাট কৰি ‘এডাল্ট’ শিতানৰ টেগ দিছে ।
- " class="align-text-top noRightClick twitterSection" data="">
কেতিয়া মুক্তি পাব ছবিখন ?
অক্ষয় কুমাৰ, পংকজ ত্ৰিপাঠী আৰু য়ামি গৌতমৰ অভিনীত ছবি Oh My God 2 মুক্তিৰ বাবে সাজু হৈছে ৷ অহা 11 আগষ্টত বিশ্বজুৰি মুক্তি পাবলৈ গৈ আছে ছবিখন । এই দিনটোতে বক্স অফিচত মুক্তি পাব বলীউডৰ আন এখন জনপ্ৰিয় ছবি গদৰ-2 । 22 বছৰৰ পাচত পুনৰবাৰ বক্স অফিচত তাৰা সিং হৈ আহিব ছানী দেউল ।
লগতে পঢ়ক: Dono Teaser OUT: ছানি দেওলৰ কনিষ্ঠ পুত্ৰৰ বলীউডৰ প্ৰথম ছবি 'দোনো'ৰ টিজাৰ মুকলি, চাওক টিজাৰ
