চিটাৰা ডেস্ক, 11 মে’: আমেৰিকাৰ টিভি ধাৰাবাহিক ‘জেনেৰেল হাস্পতাল’ৰ সুপৰিচিত অভিনেত্ৰী জেকলিন জেমানৰ দেহাৱসান (Jacklyn Zeman Assamese news) ৷ বুধবাৰে মৃত্যুক আঁকোৱালি লয় অভিনেত্ৰীগৰাকীয়ে ৷ তৎপৰ্যপূৰ্ণ কথাটো হ’ল, 6 মাৰ্চত 70 বছৰ বয়স হোৱাৰ দুমাহমানৰ পিচতে ইহলীলা সম্বৰণ কৰে অভিনেত্ৰীগৰাকীয়ে ৷
প্ৰবীণ অভিনেত্ৰীগৰাকীৰ আকস্মিক মৃত্যুত স্তম্ভিত হৈ পৰিছে ‘জেনেৰেল হাস্পতাল’ ধাৰাবাহিকৰ অনুৰাগীসকল । ইফালে অভিনেত্ৰীগৰাকীৰ মৃত্যু শোক প্ৰকাশ কৰিছে সহ অভিনেতা আৰু ধাৰাবাহিকখনৰ প্ৰাক্তন ক্ৰু সদস্যসকলে (Jacklyn Zeman passed away at 70) ।
জেকলিন জেমান কোন ?
এগৰাকী আমেৰিকান টিভি অভিনেত্ৰী আছিল জেমান (Who was Zeman) ৷ জেনেৰেল হাস্পতাল ধাৰাবাহিকখনত নাৰ্ছ ববি স্পেন্সৰৰ চৰিত্ৰত অভিনয় কৰি জনপ্ৰিয়তা লাভ কৰিছিল অভিনেত্ৰীগৰাকীয়ে (General Hospital Star Jacklyn Zeman) । 1977 চনত অভিনেত্ৰীগৰাকীয়ে এই ধাৰাবাহিকখনত যোগদান কৰে আৰু পাঁচটা ডেটাইম এমি মনোনয়ন লাভ কৰে, ইয়াৰে চাৰিটা কেৱল জেনেৰেল হাস্পতালৰ বাবেই লাভ কৰে মনোনয়ন । শ্ব’টোৰ 800 ৰো অধিক খণ্ডত দেখা গৈছিল জেমানক ।
প্ৰয়াত অভিনেত্ৰীগৰাকীৰ মৃত্যুৰ কথা নিশ্চিত কৰিছে ফ্ৰেংক ভেলেন্টিনিয়ে
বুধবাৰে টুইটাৰত জেনেৰেল হাস্পতালৰ কাৰ্যবাহী প্ৰযোজক ফ্ৰেংক ভেলেন্টিনিয়ে জেমানৰ মৃত্যুৰ কথা নিশ্চিত কৰে । প্ৰয়াত অভিনেত্ৰীগৰাকীৰ এখন ছবি শ্বেয়াৰ কৰি ভেলেন্টিনিয়ে মাইক্ৰ’ব্লগিং চাইটত লিখিছে, “ঠিক তেওঁৰ চৰিত্ৰ, কিংবদন্তি ববি স্পেন্সৰৰ দৰেই, তেওঁ আছিল এগৰাকী উজ্জ্বল পোহৰ আৰু প্ৰকৃত পেছাদাৰী যিয়ে কাম কৰিবলৈ তেওঁৰ লগত ইমান ইতিবাচক শক্তি লৈ আহিছিল ।”
ধাৰাবাহিকখনৰ নিৰ্মাতাসকলে জেকলিন জেমানৰ মৃত্যুৰ সন্দৰ্ভত বিবৃতি প্ৰকাশ কৰিছে
ভেলেন্টিনিৰ এই টুইটৰ পিচত জেনেৰেল হাস্পতাল আৰু এবিচি এণ্টাৰটেইনমেণ্ট চেনেলেও জেমানৰ দুৰ্ভাগ্যজনক মৃত্যুক লৈ নিজৰ বক্তব্য প্ৰকাশ কৰে । তেওঁলোকৰ বিবৃতিত লিখিছিল, "তেওঁ 45 বছৰৰ আগতে ববি স্পেন্সাৰৰ আইকনিক চৰিত্ৰৰ উদ্ভৱ কৰিছিল । তেওঁ বেয়া ছোৱালীজনীৰ নায়িকা হোৱাৰ এমি-মনোনীত চৰিত্ৰৰ বাবে এক স্থায়ী উত্তৰাধিকাৰ এৰি গৈছে আৰু তেওঁৰ দয়ালু হৃদয় আৰু উজ্জ্বল আত্মাৰ বাবে সদায় স্মৰণীয় হৈ থাকিব,"।
