চিটাৰা ডেস্ক, ১৫ জানুৱাৰী: দীপিকা পাডুকন, অনিল কাপুৰ আৰু হৃত্বিক ৰোশনৰ ছবি ফাইটাৰৰ বাবে আগ্ৰহেৰে অপেক্ষা কৰি আছে অনুৰাগীয়ে । টিজাৰ মুক্তি পোৱাৰ পিচৰে পৰা সকলোৱে ছবিখনৰ ট্ৰেইলাৰ মুক্তিৰ বাবে অপেক্ষা কৰি আছিল । কিন্তু এতিয়া অন্ত পৰিব অনুৰাগীৰ অপেক্ষাৰ । মুক্তি পালে দীপিকা-হৃত্বিকৰ ছবি ফাইটাৰৰ ট্ৰেইলাৰ । ট্ৰেইলাৰটো চালে আপোনাৰো মনত জাগি উঠিব দেশপ্ৰেম । এৰিয়েৰ একচন দেখাৰ পিচত গাৰ নোম শিয়ৰি উঠিব আপোনাৰো ।
- " class="align-text-top noRightClick twitterSection" data="">
হৃত্বিক ৰোশনে ছ’চিয়েল মিডিয়াত শ্বেয়াৰ কৰিছে ফাইটাৰৰ ট্ৰেইলাৰ । ট্ৰেইলাৰ শ্বেয়াৰ কৰি অভিনেতাগৰাকীয়ে লিখিছে, ‘‘দিল আছমান কে নাম ঔৰ জান দেশ কে নাম । জয় হিন্দ ।’’ হৃত্বিকৰ এই পোষ্টটোত অনুৰাগীয়ে প্ৰকাশ কৰিছে প্ৰতিক্ৰিয়া ।
কেনেকুৱা ফাইটাৰৰ ট্ৰেইলাৰ ?
ফাইটাৰৰ কথা ক’বলৈ গ’লে ইয়াৰ কাহিনী বায়ুসেনাক লৈ নিৰ্মাণ কৰা হৈছে । ট্ৰেইলাৰত স্কোয়াডৰ সদস্যসকলে বিপদৰ সন্মুখীন হৈ আকাশ আৰু দেশ ৰক্ষাৰ অভিযানত নামি পৰে । এই বীৰসকলৰ বন্ধুত্ব, সাহস আৰু ত্যাগৰ সৌন্দৰ্য ট্ৰেইলাৰত দেখুওৱা হৈছে । ছবিখনত হৃত্বিক স্কোয়াড্ৰন লিড শ্বামশ্বেৰ পাঠানিয়াৰ চৰিত্ৰত অভিনয় কৰাৰ বিপৰীতে দীপিকা পাডুকনক স্কোয়াড্ৰন লিডাৰ মীনাল ৰাথোড়ৰ চৰিত্ৰত দেখা যাব । ট্ৰেইলাৰত এনে কিছুমান দৃশ্য আছে যি দেখিলে আপোনাৰ গাৰ নোম শিয়ৰি উঠিব ৷
অনুৰাগীৰ প্ৰতিক্ৰিয়া
এজন অনুৰাগীয়ে লিখিছে- এয়া বলীউড । আনহাতে আনজনে লিখিছিল – মজা লাগিছে ট্ৰেইলাৰটো । এজনে লিখিলে – ১০০০ কোটি লোডিং । ফাইটাৰৰ ট্ৰেইলাৰ চোৱাৰ পিচত অনুৰাগীয়ে নিজকে কমেণ্ট কৰিবলৈ ৰখাব পৰা নাই ।
ছবিখনৰ বিষয়ে ক’বলৈ গ’লে হৃত্বিক ৰোশন, দীপিকা পাডুকনৰ লগতে অনিল কাপুৰ, অক্ষয় ওবেৰয়, কৰণ সিং গ্ৰ’ভাৰ, আকৰ্ষ অলগ আৰু সঞ্জীদা শইখক গুৰুত্বপূৰ্ণ চৰিত্ৰত অভিনয় কৰা দেখা যাব । ছবিখন অহা ২৫ জানুৱাৰীত চিনেমাগৃহত মুক্তি পাব । ইয়াক পৰিচালনা কৰিছে সিদ্ধাৰ্থ আনন্দে ।
লগতে পঢ়ক: মহেশ বাবু অভিনীত গুন্টুৰ কৰমৰ বিস্ফোৰক ট্ৰেইলাৰ মুকলি
