চিটাৰা ডেস্ক, 5 ডিচেম্বৰ: বৰ্তমান আগন্তুক ছবি ফাইটাৰৰ বাবে চৰ্চাত আছে দীপিকা পাডুকন । এই ছবিখনত হৃত্বিক ৰোশনৰ সৈতে দেখা যাব অভিনেত্ৰীগৰাকীক । দীপিকাৰ অনুৰাগীয়ে ছবিখনৰ বাবে আগ্ৰহেৰে অপেক্ষা কৰি আছে । ইফালে অনুৰাগীৰ উত্তেজনা বৃদ্ধি কৰি নিৰ্মাতাই ছবিখনৰ পৰা দীপিকাৰ ফাৰ্ষ্ট লুক মুকলি কৰিছে ।
ফাইটাৰৰ পৰা দীপিকা পাডুকনৰ লুক প্ৰকাশ
দীপিকা পাডুকনে ইনষ্টাগ্ৰামত নিজৰ ফাৰ্ষ্ট লুক পোষ্টাৰ শ্বেয়াৰ কৰিছে । এই পোষ্টাৰত খাকী পোছাক পৰিধান কৰা দেখা গৈছে অভিনেত্ৰীগৰাকীক ৷ লগতে ক’লা চশমাও পিন্ধা পৰিলক্ষিত হৈছে অভিনেত্ৰীগৰাকীক । তেওঁৰ চৰিত্ৰৰ নামো এই পোষ্টাৰত প্ৰকাশ পাইছে । পোষ্টাৰত লিখা আছে 'মিন্নী' । ইয়াৰ লগতে ছবিখনৰ মুক্তিৰ তাৰিখো পোষ্টাৰত উল্লেখ কৰা হৈছে ।
দীপিকাই নিজৰ পোষ্টৰ কেপচনত লিখিছে - "স্কোৱাড্ৰন লিডাৰ মিনি ৰাথোৰ, কল চাইন- মিনি, ডেজিগনেশ্যন- স্কোয়াড্ৰন পাইলট, ইউনিট- এয়াৰ ড্ৰেগন"।
ছবিখনক লৈ উৎসাহিত হৈ পৰিছে অনুৰাগী
উল্লেখ্য যে, কিছুদিন পূৰ্বে ছবিখনৰ পৰা হৃত্বিক ৰোশনৰ লুকটোও প্ৰকাশ পাইছিল, যিটো অনুৰাগীয়ে বহুত ভাল পাইছিল । একে সময়তে দীপিকা পাডুকনৰ লুক দেখাৰ পিচত অনুৰাগীয়ে আৰু অধিক উৎসাহিত হৈ পৰিছে ছবিখনক লৈ ।
অহা বছৰত মুক্তি পাব ছবিখন
সিদ্ধাৰ্থ আনন্দৰ পৰিচালনাত আৰু মাৰ্ফ্লিক্স পিকচাৰ্ছৰ সহযোগত ভায়াকম ১৮ ষ্টুডিঅ’ৰ প্ৰযোজনাত নিৰ্মাণ হৈছে এই ছবিখন । 'ফাইটাৰ' 2024 চনৰ 25 জানুৱাৰীত ভাৰতৰ 75 তম গণৰাজ্য দিৱস উপলক্ষে মুক্তি লাভ কৰিব ।
ফাইটাৰৰ কাহিনী
‘ফাইটাৰ’ ছবিখন হৈছে ভাৰতীয় বায়ুসেনাত যোগদান কৰিব বিচৰা এজন উচ্চাকাংক্ষী যুৱক শ্বমশ্বেৰ পাঠানিয়াৰ কাহিনী, যাৰ বাবে তেওঁ প্ৰস্তুতি চলায় আৰু তেওঁ বহু প্ৰত্যাহ্বানৰ সন্মুখীন হ’বলগীয়া হয় । অৱশ্যে তেওঁৰ নিষ্ঠাৰ বাবে তেওঁ নায়ক হিচাপে আত্মপ্ৰকাশ কৰে।
এই ছবিখনত হৃত্বিক ৰোশনৰ আৰু দীপিকা পাডুকনৰ উপৰিও অনিল কাপুৰকো দেখা যাব । এইখিনিতে উল্লেখ্য কৰিব লাগিব যে, এই ছবিখনৰ কিছু দৃশ্যগ্ৰহণ অসমৰ তেজপুৰতো কৰা হৈছে ৷ কিছুদিন পূৰ্বে এই ছবিখনৰ শ্বুটিঙৰ বাবে তেজপুৰলৈ আহিছিল অভিনেত্ৰী দীপিকা পাডুকন, হৃত্বিক ৰোশন আৰু অনিল কাপুৰ ৷ আনকি অভিনেত্ৰীগৰাকীয়ে তেজপুৰৰ পৰা শ্বুটিঙৰ সময়ত নিজৰ ছ’চিয়েল মিডিয়া একাউন্টত এখন ফটোও শ্বেয়াৰ কৰিছিল ৷
লগতে পঢ়ক: জৱান, পাঠান, গদৰ ২ ৰ অভিলেখ ভংগ কৰিলে এনিমেলে, চতুৰ্থ দিনতো অব্যাহত এনিমেলৰ বাম্পাৰ উপাৰ্জন
