চিটাৰা ডেস্ক, 6 আগষ্ট: টিভিৰ জনপ্ৰিয় অভিনেত্ৰী দীপিকা ককৰক আজি কোনে চিনি নাপায় । দীপিকাই বহু টিভি ধাৰাবাহিকত অভিনয় কৰিছে, যদিও শশুৰাল সিমৰকা ধাৰাবাহিকখনৰ পৰা সিমাৰ নামেৰে প্ৰতি ঘৰে ঘৰে পৰিচিত হৈ পৰিছিল ৷ অৱশ্যে বৰ্তমান সময়ত নিজৰ ব্যক্তিগত জীৱনৰ বাবে অভিনেত্ৰীগৰাকীয়ে অভিনয় জগতৰ পৰা ব্ৰেক লৈছে আৰু পৰিয়ালক পূৰ্ণ সময় দি আছে ৷ কিন্তু আপুনি জানেনে যে এই সফলতাৰ যাত্ৰাত দীপিকাৰ লগত বহু ঘটনা সংঘটিত হৈছে আৰু তাৰে এটা ঘটনা আজি আমি এই প্ৰতিবেদনত উল্লেখ কৰিম ৷
এচিড আক্ৰমণৰ ভাবুকি লাভ কৰিছিল দীপিকাই
আচলতে দীপিকা ককৰে যেতিয়া ‘বিগ বছ ১২’ৰ ট্ৰফী লাভ কৰিছিল সেই সময়ৰ কথা এয়া ৷ এই ট্ৰফীখনেই এসময়ত কাল হৈ পৰিছিল অভিনেত্ৰীগৰাকীৰ বাবে ৷ হয়... বিগ বছৰ বিজয়ী হোৱাৰ পিচত তেওঁ বহুত ট্ৰলিঙৰ সন্মুখীন হ’বলগীয়া হৈছিল । আনকি বহু লোকে অভিনেত্ৰীগৰাকীক ভাবুকি দিবলৈও আৰম্ভ কৰিছিল ।
আনকি এজন ব্যৱহাৰকাৰীয়ে ছ’চিয়েল মিডিয়াত দীপিকা ককৰক এচিড আক্ৰমণৰো ভাবুকি প্ৰদান কৰিছিল ৷ ব্যক্তিজনে কৈছিল, ‘‘মই মুম্বাইত আছোঁ । আপোনাক দেখা পালে এচিড এটেক কৰিম ৷’’ এই ভাবুকিৰ পিচত অভিনেত্ৰীগৰাকীয়েও এজাহাৰ দাখিল কৰিছিল আৰক্ষী থানাত আৰু ইয়াৰ বিৰুদ্ধে কঠোৰ ব্যৱস্থাও গ্ৰহণ কৰা হৈছিল যদিও ভাবুকি দিয়া ব্যক্তিজনে ভুৱা আইডিৰেহে মন্তব্য কৰিছিল ।
অভিনয়ৰ বাবে এৰিছিল নিজৰ কেৰিয়াৰ
হয়তো, খুব কম মানুহে জানে যে দীপিকা ককৰে অভিনয়ৰ বাবে নিজৰ চাকৰিৰ পৰা অব্যাহতি লৈছিল ৷ হয়, দীপিকা এগৰাকী এয়াৰ হোষ্টেছ আছিল, কিন্তু অভিনেত্ৰীগৰাকীয়ে এই চাকৰিটো ভাল পোৱা নাছিল ৷ যাৰ বাবে চাকৰিৰ পৰা অব্যাহতি লৈছিল অভিনেত্ৰীগৰাকীয়ে ৷ ইয়াৰ পিচত, দীপিকাই অভিনয়ত ভৰি দিয়ে আৰু ২০১০ চনত 'নীল ভালে তেৰে নয়না দেৱী' ধাৰাবাহিকৰ জৰিয়তে অভিনয় জীৱন আৰম্ভ কৰে । ইয়াৰ পিচত, দীপিকাক 'শশুৰাল সিমাৰ কা'ত সিমাৰৰ চৰিত্ৰত অভিনয় কৰা দেখা গৈছিল, যিয়ে তেওঁক ঘৰুৱা স্বীকৃতি প্ৰদান কৰিছিল ।
শ্ব’টোত জীৱনসংগী বিচাৰি পাইছিল দীপিকাই
এই ধাৰাবাহিকখনত দীপিকাই লগ পাইছিল শ্বোৱেইব ইব্ৰাহীমক । এই ধাৰাবাহিকখনত দুয়োজনে স্বামী-স্ত্ৰীৰ চৰিত্ৰত অভিনয় কৰিছিল আৰু বাস্তৱ জীৱনতো ইগৰাকীৰ সিগৰাকীৰ সৈতে প্ৰেমৰ সম্পৰ্ক গঢ়ি উঠিছিল ৷
বহু বছৰ ইগৰাকীয়ে সিগৰাকীক ডেট কৰাৰ পিচত ২০১৫ চনত শ্বোৱেইব ইব্ৰাহীমৰ সৈতে বিবাহপাশত আবদ্ধ হয় দীপিকা । উল্লেখ্য যে, শ্বোৱেইবৰ লগত দ্বিতীয়বাৰৰ বাবে বিবাহপাশত আৱদ্ধ হয় দীপিকা । দীপিকাৰ পূৰ্বে ৰৌনাক চেমছনৰ সৈতে সম্পৰ্ক আছিল যদিও তেওঁলোকৰ সম্পৰ্ক বেছি দিন টিকি নাথাকিল আৰু দুয়োৰে বিবাহ বিচ্ছেদ হয় ।
লগতে পঢ়ক: Ileana Dcruz blessed with baby boy: ইলিয়ানা ডিক্ৰুজে শ্বেয়াৰ কৰিলে নৱজাতক পুত্ৰৰ ব্যতিক্ৰমী নাম
