চিটাৰা ডেস্ক, 31 মে’: কৰীণা কাপুৰে দ্বিতীয় সন্তানৰ গৰ্ভধাৰণৰ সময়ত ‘লাল সিং চাড্ডা’ ছবিখনত অভিনয় কৰিছিল ৷ গৰ্ভত সন্তান লৈ এই ছবিখনত অভিনয় কৰাৰ বাবে ছবিখনৰ বাবে সদায়ে বিশেষ অনুভৱ কৰে অভিনেত্ৰীগৰাকীয়ে ৷ দেওবাৰে কৰীণাই ইনষ্টাগ্ৰামত তেওঁৰ অনুৰাগী আৰু অনুসৰণকাৰীসকলৰ বাবে ছবিখনৰ ট্ৰেইলাৰ শ্বেয়াৰ কৰে(Laal Singh Chaddha trailer release) ৷
কৰীণাই নিজৰ লগতে কনিষ্ঠ পুত্ৰ জেহক লাল সিং চাড্ডাৰ অংশ হ'বলৈ অনুমতি দিয়াৰ বাবে সহ-অভিনেতা আমিৰ খান আৰু পৰিচালক অদ্বৈত চন্দনকো ধন্যবাদ জ্ঞাপন কৰে ৷ "এটা মহামাৰী, দুটা লকডাউন আৰু তাৰ পিছত এটি শিশু… মোৰ আটাইতকৈ বিশেষ চলচ্চিত্ৰসমূহৰ মাজৰ এখন… কাৰণ লগতে মোৰ জেহ বাবাও (গৰ্ভত) আছিল । ধন্যবাদ অদ্বৈত আৰু আমিৰ, আমাক দুয়োকে ইয়াৰ অংশ হ’বলৈ দিয়াৰ বাবে… ই এনেকুৱা এখন ছবি যাক মই সদায় মনত পেলাম"- সামাজিক মাধ্যমত পোষ্টটোৰ শিৰোনাম এইদৰে দিছিল কৰীণা কাপুৰ খানে ।
- " class="align-text-top noRightClick twitterSection" data="
">
লাল সিং চাড্ডা হৈছে টম হেংকছ অভিনীত 'ফৰেষ্ট গাম্প'ৰ আনুষ্ঠানিক অভিযোজন । মনা সিং আৰু নাগা চৈতন্যকো ছবিখনত দেখিবলৈ পোৱা যাব । কৰীণাই লাল সিঙৰ (আমিৰ) অন স্ক্ৰীন প্ৰেমিকাৰ চৰিত্ৰত অভিনয় কৰিছে ৷
- " class="align-text-top noRightClick twitterSection" data="">
আনহাতে, মনা সিঙে আমিৰৰ মাতৃৰ চৰিত্ৰত অভিনয় কৰিছে ৷ নাগা চৈতন্যই ৰূপায়ণ কৰিছে তেওঁৰ বন্ধুৰ চৰিত্ৰ (Laal Singh Chaddha cast) । ছবিখন ১১ আগষ্টত মুক্তি লাভ কৰাৰ কথা (Laal Singh Chaddha release date)।
লগতে পঢ়ক: Laal Singh Chaddha trailer: ‘লাল সিং চাড্ডা’ৰ ট্ৰেইলাৰ মুকলি
