চিটাৰা ডেস্ক, 16 মে’: ২০২১ চনত বলীউডৰ অভিনেত্ৰী দিয়া মিৰ্জাৰ ঘৰত আহিছিল এটা সুখবৰ (Dia Mirza Son 2nd Birthday) ৷ প্ৰথমবাৰৰ বাবে পিতৃ-মাতৃ হৈছিল দিয়া মিৰ্জা আৰু স্বামী বৈভৱ ৰেখী ৷ পুত্ৰৰ নাম ৰাখিছিল অব্যান আজাদ ৷ অভিনেত্ৰীগৰাকীৰ পুত্ৰ সন্তানটিৰ বয়স বৰ্তমান দুবছৰ হ’ল । দিয়া মিৰ্জাই নিজৰ ইনষ্টাগ্ৰাম একাউণ্টত পুত্ৰৰ দ্বিতীয় জন্মদিন উদযাপনৰ ছবি শ্বেয়াৰ কৰাৰ লগতে আৱেগিক টোকাও লিখিছে ।
পুত্ৰৰ দ্বিতীয় জন্মদিন উদযাপন কৰিছে দিয়া মিৰ্জাই
দিয়া মিৰ্জাই নিজৰ ইনষ্টাত পুত্ৰৰ দ্বিতীয় জন্মদিন উদযাপনৰ বহু ছবি শ্বেয়াৰ কৰিছে (Dia Mirza son Avyaan)। ইয়াৰে এখন ছবিত পুত্ৰক কোলাত লৈ জংঘল থিমৰ কেক কাটিবলৈ সাজু হোৱা দেখা গৈছে অভিনেত্ৰীগৰাকীক । বহু অতিথিকো বেকগ্ৰাউণ্ডত দেখা গৈছে । দ্বিতীয়খন ছবিত অভিনেত্ৰীগৰাকীয়ে নিজৰ প্ৰিয়জনক কেক খুৱাই থকা দেখা গৈছে । তৃতীয় ছবিখনত গছ-গছনিৰ মাজত বহি থকা দেখা গৈছে অব্যানক । একে সময়তে বহু ছবিত দিয়াই পুত্ৰৰ সৈতে খেলা-ধূলা কৰা দেখা গৈছে আৰু লগতে অতিথিৰ সৈতেও ।
- " class="align-text-top noRightClick twitterSection" data="
">
পুত্ৰৰ জন্মদিনত দিয়াই লিখিলে আৱেগিক টোকা
পুত্ৰৰ জন্মদিন উদযাপনৰ ছবি শ্বেয়াৰ কৰাৰ উপৰিও দিয়াই লিখিছিল এটা আৱেগিক টোকা (Avyaan birthday celebrations) । অভিনেত্ৰীগৰাকীয়ে নিজৰ টোকাত লিখিছে, "এই কণমানি মাষ্টৰৰ সৈতে ২ বছৰীয়া যাদু । মোক তোমাৰ মা হিচাপে বাছি লোৱাৰ বাবে মোৰ প্ৰিয় অব্যান আজাদক ধন্যবাদ। ইয়াতকৈ বেছি সুখী একোৱেই নহয় ! ১৪ মে' সদায় মোৰ প্ৰিয় দিন হ’ব ।"
- " class="align-text-top noRightClick twitterSection" data="
">
অনুৰাগী আৰু চেলিব্ৰিটিয়ে দিয়াৰ পুত্ৰক মৰম দিয়া দেখা যায়
দিয়া পুত্ৰৰ জন্মদিনৰ ছবি শ্বেয়াৰ হোৱাৰ লগে লগে অনুৰাগীৰ লগতে সকলো চেলিব্ৰিটিয়েও কণমানিটিক জন্মদিনৰ শুভেচ্ছা জ্ঞাপন কৰি কমেণ্ট ছেকচনত মৰমৰ দিয়া দেখা যা । ডায়েনা পেণ্টী, মলাইকা অৰোৰা, নকুল মেহতা, নীতি মোহনকে ধৰি বহু চেলিব্ৰিটিয়ে দিয়াৰ পুত্ৰক জন্মদিনৰ শুভেচ্ছা জনায়।
দিয়া মিৰ্জাৰ ৱৰ্ক ফ্ৰণ্ট
উল্লেখ্য যে ২০২১ চনৰ ফেব্ৰুৱাৰী মাহত দিয়াই ব্যৱসায়ী বৈভৱক বিয়া কৰাইছিল আৰু ২০২১ চনৰ ১৪ মে’ত পুত্ৰ আয়ানক আদৰণি জনাইছিল । ৱৰ্ক ফ্ৰণ্টত অতি সোনকালে তাপসী পান্নু, ৰত্ন পাঠক শ্বাহ, ফাতিমা সনা শ্বেইখ আৰু সঞ্জনা সংঘীৰ সৈতে ‘ঢক ঢক’ ছবিত দেখা যাব দিয়াক । ছবিখন পৰিচালনা কৰিছে তৰুণ দুদেজাই।
