চিটাৰা ডেস্ক, ৪ ডিচেম্বৰ : সন্দীপ ৰেড্ডী ভাংগাৰ পৰিচালনাত নিৰ্মিত ‘এনিমেল’ ছবিখনে মুক্তিৰ পিচতে বক্স অফিচত ঢৌ তুলিছে । শুকুৰবাৰে চিনেমাগৃহত মুক্তি পোৱা এই ছবিখন মুক্তিৰ মাত্ৰ তিনিদিনতে বিশ্বজুৰি বক্স অফিচত ৩০০ কোটিৰো অধিক ধন উপাৰ্জন কৰিছে । ছবিখনত ৰণবীৰৰ অভিনয়ক যথেষ্ট প্ৰশংসা কৰিছে অনুৰাগীয়ে ৷ অৱশ্যে ছবিখনত ৰণবীৰৰ উপৰিও আন এটি চৰিত্ৰৰ ব্যাপকভাৱে প্ৰশংসা কৰা হৈছে ৷ সেয়া হৈছে ববি দেওলৰ চৰিত্ৰৰ ৷ ছবিখনত ববি দেওলৰ চৰিত্ৰটোৰ বাবে প্ৰশংসা লাভ কৰিছে । এতিয়া ববি দেওলৰ পিতৃ তথা প্ৰবীণ অভিনেতা ধৰ্মেন্দ্ৰ দেওলেও এনিমেল ছবিত পুত্ৰৰ অভিনয়ক লৈ গৌৰৱ অনুভৱ কৰি প্ৰশংসা কৰিছে ।
এনিমেল ছবিখনত ববিৰ অভিনয়ক প্ৰশংসা ধৰ্মেন্দ্ৰৰ
কনিষ্ঠ পুত্ৰ ববি দেওলক লৈ গৌৰৱান্বিত ধৰ্মেন্দ্ৰ । কিংবদন্তি অভিনেতাগৰাকীয়ে নিজৰ ইনষ্টাগ্ৰাম হেণ্ডেলত শ্বেয়াৰ কৰিছে ‘এনিমেল’ ছবিখনৰ পৰা পুত্ৰৰ স্ক্ৰীণগ্ৰেব । ইয়াৰ লগতে প্ৰবীণ অভিনেতাগৰাকীয়ে হাৰ্ট ইমোজিৰ সৈতে লিখিছে, ‘‘টেলেণ্টেড বব ।’’
ববিৰ প্ৰশংসাত পঞ্চমুখ অনুৰাগী
ধৰ্মেন্দ্ৰই পোষ্টটো শ্বেয়াৰ কৰাৰ কিছু সময়ৰ পিচতে অনুৰাগীয়েও ফটোখনত ববি দেওলৰ অভিনয়ক প্ৰশংসা কৰে । এজন অনুৰাগীয়ে লিখিছে, “বোমা অভিনয়, সংলাপৰ সলনি চকুৱে কথা পাতিছে ।” আন এজন অনুৰাগীয়ে লিখিছে, ‘‘প্ৰতিভা উত্তৰাধিকাৰী সূত্ৰে লাভ কৰিছে... ডি এন এত মিহলি হৈ আছে ধৰম জী ।’’ আন এজন অনুৰাগীয়ে লিখিছে, ‘‘এই বছৰটো DEOL পৰিয়ালৰ কামবেকৰ নামত । পৃথিৱীখনে মনত ৰাখিব ।"
ববি দেওলক প্ৰশংসা ছানি দেওলৰ
ইয়াৰ পূৰ্বে ছানী দেওলে ভাতৃ ববিৰ সৈতে তেওঁৰ ফটো শ্বেয়াৰ কৰিছিল আৰু এনিমেল ছবিখনত তেওঁৰ অভিনয়ৰ প্ৰশংসা কৰিছিল । ফটোখন শ্বেয়াৰ কৰি ছানীয়ে কেপচনত লিখিছিল, "মোৰ সৰু ভাইটিয়ে পৃথিৱীখনক জোকাৰি গ’ল । এনিমেল সফল হওক ।"
লগতে পঢ়ক: আন্তঃৰাষ্ট্ৰীয় ছবিক চেৰ পেলাই শীৰ্ষস্থান দখল এনিমেলৰ, বিশ্বজুৰি কিমান উপাৰ্জন কৰিলে ছবিখনে ?
