চিটাৰা ডেস্ক, 23 আগষ্ট : টলীউডৰ চুপাৰষ্টাৰ চিৰঞ্জীৱী আৰু বলীউডৰ চুপাৰষ্টাৰ ছলমান খানৰ আগন্তুক ছবি ‘গডফাডাৰ’ৰ টিজাৰ মুকলি হৈছে (Godfather teaser release) । চিৰঞ্জীৱীৰ 67 সংখ্যক জন্মদিন উপলক্ষে মুকলি কৰা হৈছে এই টিজাৰটো । টিজাৰটোত দেখিবলৈ পোৱা গৈছে এক্সনধৰ্মী কিছু দৃশ্য । ছবিখনত চিৰঞ্জীৱী আৰু ছলমানৰ লগতে অভিনেত্ৰী নয়নতাৰায়েও মুখ্য চৰিত্ৰত অভিনয় কৰিছে । টিজাৰটোত নয়নতাৰাক এক চিৰিয়াছ মুডত দেখিবলৈ পোৱা গৈছে ৷
- " class="align-text-top noRightClick twitterSection" data="">
'গডফাডাৰ' ছবিখনৰ টিজাৰ সম্পূৰ্ণ এক্সনেৰে ভৰি আছে । ছলমান খানৰ এণ্ট্ৰি চকুত লগা হৈছে ৷ টিজাৰটো চাই অনুমান কৰিব পাৰি যে ছবিখনত ছলমান খান আৰু চিৰঞ্জীৱীয়ে ককায়েক ভায়েকৰ চৰিত্ৰত অভিনয় কৰিছে ৷ চিৰঞ্জীৱীক সহায়ৰ নিমিত্তে সদায় উপস্থিত ছলমান ।
আনহাতে টিজাৰটো চাই গম পোৱা গৈছে নয়নতাৰাই কাৰোবাৰ সৈতে শত্ৰুতা পুহি ৰাখিছে ৷ তেওঁৰ মুখত এটা বিশেষ সংলাপ শুনিবলৈ পোৱা গৈছে এইদৰে, ‘যিয়েই নাহক, কোনো কথা নাই, কিন্তু তেওঁ যাতে আহিব নোৱাৰে’ । নয়নতাৰাই এই সংলাপ দিয়াৰ পিছতে চিৰঞ্জীৱীৰ প্ৰৱেশ ঘটে ৷ ছলমানকো গুণ্ডাবোৰৰ সৈতে যুঁজ দিয়া দেখা গৈছে ৷
টিজাৰটো চাই এই ছবিখন কিমান হিট হ’ব পাৰে সেয়া কল্পনা কৰা কঠিন হৈ পৰিছে (Chiranjeevi and Salman khan starrer movie Godfather teaser release) ৷ ছবিখনৰ মুক্তি ২০২২ চনৰ ৫ অক্টোবৰত হোৱাৰ কথা ।
গডফাডাৰ পৰিচালনা কৰিছে মোহন ৰাজাই । ছলমানৰ ৱৰ্ক ফ্ৰণ্টৰ কথা ক’বলৈ গ’লে অতি সোনকালেই ভাইজানক দেখা যাব ‘টাইগাৰ 3’ আৰু ‘কভী ঈদ কভী দীৱালী’ত ।
লগতে পঢ়ক : টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱত প্ৰিমিয়াৰ হ’ব কপিল শৰ্মাৰ Zwigato
