চিটাৰা ডেস্ক, 17 জুলাই : অৱশেষত অপেক্ষাৰ অন্ত পৰিল ! মুক্তি লাভ কৰিলে ব্ৰহ্মাস্ত্ৰৰ আলিয়া ভাট আৰু ৰণবীৰ কাপুৰ অভিনীত ৰোমান্টিক গীত 'Kesariya' (Brahmastra song Kesariya out)। সদ্য মুক্তিপ্ৰাপ্ত গীতটোত আলিয়া আৰু ৰণবীৰক এক ৰোমান্টিক দৃশ্যত দেখিবলৈ পোৱা গৈছে । উল্লেখ্য যে, মাৰ্চ মাহত বাৰাণসীত শ্বুটিং সম্পন্ন কৰা হৈছিল মিউজিক ভিডিঅ’টোৰ(Brahmastra song Kesariya) ।
- " class="align-text-top noRightClick twitterSection" data="">
প্ৰীতমৰ ৰচিত, অমিতাভ ভট্টাচাৰ্যৰ পৰিচালনা আৰু অৰিজিৎ সিঙে কণ্ঠদান কৰা এই গীতটোৰ টিজাৰে ইতিমধ্যে দৰ্শকে বিপুল সঁহাৰি লাভ কৰিছে । ইফালে, তেলুগু আৰু তামিল ভাষাত গীতটিত কন্ঠদান কৰিছে সিদ শ্ৰীৰামে । ১৪ এপ্ৰিলত আলিয়া আৰু ৰণবীৰৰ বিবাহৰ পূৰ্বে ব্ৰহ্মাস্ত্ৰৰ গীতটোৰ টিজাৰ শ্বেয়াৰ কৰিছিল । তেতিয়াৰ পৰাই Kesariya গীতটোৱে সামাজিক মাধ্যমত ভীষণ জনপ্ৰিয়তা লাভ কৰিছিল(Ranbir Alia kesariya song) ।
ইয়াৰ পূৰ্বে আয়ানে নিজৰ ইনষ্টাগ্ৰাম পোষ্টৰ জৰিয়তে গীতটোক লৈ নিজৰ আগ্ৰহ শ্বেয়াৰ কৰিছিল । তেওঁ গীতটোৰ এটা ভিডিঅ’ পোষ্ট কৰিছিল, য’ত অনুৰাগীৰ প্ৰতিক্ৰিয়া প্ৰকাশ পাইছিল, আৰু লগতে লিখিছিল যে, তেওঁলোকে প্ৰথমাৱস্থাত ছবিখনৰ প্ৰথমটো গীত শিৱ (ৰণবীৰৰ চৰিত্ৰ)ক কেন্দ্ৰ কৰি হোৱাটো বিচাৰিছিল । কিন্তু কেছৰিয়াৰ টিজাৰটোৰ বাবে ইমানেই জনপ্ৰিয়তা লাভ কৰিছিল যে, নিৰ্মাতাসকলে প্ৰথমে ইয়াক ৰিলিজ দিয়াৰ সিদ্ধান্ত লৈছিল ।
উল্লেখ্য যে, ব্ৰহ্মাষ্ট্ৰ হৈছে এখন তিনিটা খণ্ডৰ চলচ্চিত্ৰ ফ্ৰেঞ্চাইজি আৰু ভাৰতৰ প্ৰথম মৌলিক বিশ্বব্ৰহ্মাণ্ডৰ আৰম্ভণি এষ্ট্ৰাভাৰ্ছ । ভাৰতীয় পৌৰাণিক কাহিনীৰ আধাৰত অনুপ্ৰাণিত কিন্তু আধুনিক জগতত স্থাপন কৰা ই এক নতুন মৌলিক চিনেমাৰ বিশ্বব্ৰহ্মাণ্ড । ইফালে মুকেৰজীয়ে কয় যে, ই কোনো ছুপাৰহিৰো ছবি নহয় বৰঞ্চ পৰিচালকে নিজাকৈ এক "আধুনিক সংস্কৰণ" লিখিবলৈ চেষ্টা কৰাৰ ফেণ্টাচি সংস্কৰণহে ।
২০২২ চনৰ ৯ ছেপ্টেম্বৰত হিন্দী, তামিল, তেলেগু, মালয়ালম আৰু কানাড়া আদি ভাষাত ছবিখন চিত্ৰগৃহত মুক্তি পাব ব্ৰহ্মাস্ত্ৰ । অমিতাভ বচ্চন, মৌনি ৰায় আৰু নাগাৰ্জুন আক্কিনেনীকো দৰ্শকে দেখিবলৈ পাব এই ছবিখনত ৷
লগতে পঢ়ক : Good Luck Jerry Trailer: এইবাৰ বিহাৰী ছোৱালীৰ চৰিত্ৰত জাহ্নৱীয়ে হহুৱাব দৰ্শকক
