চিটাৰা ডেস্ক, 7 আগষ্ট: ছলমান খানৰ আটাইতকৈ জনপ্ৰিয় ৰিয়েলিটি শ্ব’ বিগ বছ অ’টিটি ২ এতিয়া ফিনালেৰ দিশে আগবাঢ়িছে ৷ আনহাতে ফিনালে ওচৰ চপাৰ লগে লগেই ইজনৰ পিচত সিজনকৈ প্ৰতিযোগী বিগ বছ হাউচৰ পৰা বাহিৰ হৈছে ৷ যোৱা সপ্তাহৰ শেষৰ ফালে হোৱা এলিমেনেশ্বনত দুজনকৈ প্ৰতিযোগী বিগ বছ হাউচৰ পৰা বাহিৰ হৈছে ৷ হয়, এজনকৈ নহয় দুজনকৈ প্ৰতিযোগীক একেলগে দেখুৱাই দিয়া হৈছে বাহিৰৰ ৰাস্তা ৷ এই দুয়োজন প্ৰতিযোগীয়েই আছিল পুৰুষ । আমি শ্ব’টোৰ আন্তঃৰাষ্ট্ৰীয় প্ৰতিযোগী জাইদ হাদিদ আৰু টিভিৰ জনপ্ৰিয় অভিনেতা অবিনাশ সচদেৱৰ কথা কৈছোঁ । হয়, ৫০ দিনৰ পিচত বিগ বছৰ যাত্ৰা সমাপ্ত হৈছে এই দুজন প্ৰতিযোগীৰ।
কোন কোন নমিনেট হৈছিল ?
বিগ বছ অ’টিটি ২ত জাইদ হাদিদ আৰু অবিনাশ সচদেৱৰ সৈতে জিয়া শংকৰ আৰু মনীষা ৰাণীও ঘৰৰ পৰা বাহিৰ হোৱাৰ ভাবুকিৰ সন্মুখীন হৈছিল । অৱশ্যে এইক্ষেত্ৰত জিয়া আৰু মনীষাৰ ভাগ্যই কাম কৰিলে আৰু ৰাজহুৱা ভোটৰ বাবে ঘৰত নিৰাপদ হৈ পৰাৰ বিপৰীতে অবিনাশ আৰু জাইদক জনসাধাৰণে বাহিৰৰ পথ দেখুৱাই দিয়ে ।
জাইদ আৰু অবিনাশ যেতিয়া একেলগে ঘৰৰ পৰা ওলাই আহিছিল তেতিয়া ঘৰত হতাশাৰ সৃষ্টি হৈছিল আৰু জাইদ-অবিনাশৰ বিদায়ত চকুলো টুকিছিল কিছু প্ৰতিযোগীয়ে । অবিনাশ যোৱাৰ সময়ত জিয়াই ক’লে যে মই দুঃখিত, যোৱা সপ্তাহত আপোনাক মই নমিনেট কৰিছিলোঁ । ইয়াৰ পিচত অবিনাশে জিয়াক সাৱটি ধৰি ঘৰৰ শান্তি বজাই ৰাখিবলৈ কয়।
বিগ বছ হাউচত প্ৰৱেশ এইসকল জনপ্ৰিয় তাৰকাৰ
একে সময়তে জাইদ আৰু অবিনাশৰ বিদায়ৰ পিচত ৰেপাৰ ৰাফতাৰ আৰু বিগ বছৰ প্ৰাক্তন প্ৰতিযোগী মাহিৰা শৰ্মা আৰু গায়িকা নেহা কক্কড়ে বিগ বছ হাউচত প্ৰৱেশ কৰিছিল ৷ এতিয়া শেহতীয়াকৈ ছ’চিয়েল মিডিয়াৰ তাৰকা উৰ্ফী জাভেদকো দেখা গ’ল বিগ বছ হাউচত ৷
