চিটাৰা ডেস্ক, 21 জুলাই: পুনৰ পিতৃ হ’ল বলীউডৰ জনপ্ৰিয় অভিনেতা অৰ্জুন ৰামপাল । অৰ্জুনৰ প্ৰেমিকা গেব্ৰিয়েলাই জন্ম দিছে এটি পুত্ৰ সন্তান । ৫০ বছৰীয়া অৰ্জুনে এই তথ্য ছ’চিয়েল মিডিয়াত শ্বেয়াৰ কৰি লিখিছে, ‘‘আমাৰ ঘৰত এটি ল’ৰা সন্তান জন্ম হোৱাৰ বাবে মই আৰু মোৰ পৰিয়ালটো অতি সুখী । মাতৃ আৰু সন্তান দুয়োগৰাকীয়েই বৰ্তমান সুস্থ। চিকিৎসক আৰু নাৰ্ছৰ দলটোক ধন্যবাদ । আমি বৰ সুখী । আপোনালোকৰ মৰম আৰু সহায়ৰ বাবে ধন্যবাদ।’’
উল্লেখ্য যে অৰ্জুন আৰু তেওঁৰ প্ৰেমিকা গেব্ৰিয়েলা ডেমেট্ৰিৰ প্ৰেমৰ সম্পৰ্ক প্ৰায় পাঁচ-ছয় বছৰ পুৰণি । এজন বন্ধুৰ জৰিয়তে তেওঁলোকৰ ইগৰাকীৰ সিগৰাকীৰ সৈতে দেখা হৈছিল ৷ অৱশ্যে প্ৰেমৰ সম্পৰ্ক থাকিলেও এতিয়াও বিবাহপাশত আৱদ্ধ হোৱা নাই দুয়ো ৷ ইয়াৰ পূৰ্বে ২০১৯ চনত গেব্ৰিয়েলাই প্ৰথম সন্তানক জন্ম দিছিল, যাক তেওঁলোকে নাম দিছিল আৰিক ৰামপাল । কেইমাহমান পূৰ্বে অৰ্জুনে শ্বেয়াৰ কৰিছিল যে গেব্ৰিয়েলা আৰু তেওঁ দ্বিতীয় সন্তানৰ পিতৃ-মাতৃ হ’বলৈ গৈ আছে ৷ ইয়াৰ পিচত গেব্ৰিয়েলাই গৰ্ভাৱস্থাৰ ফটোশ্বুট শ্বেয়াৰ কৰিছিল যি ফটো ছ’চিয়েল মিডিয়াত ক্ৰমান্বয়ে ভাইৰেল হৈ পৰিছিল ৷
-
My family and I were blessed with a beautiful baby boy today, Mother and son are both well. Filled with love and gratitude. ❤️ Thank you for all your love. #20.07.2023 #helloworld pic.twitter.com/i4aEZqwLrf
— arjun rampal (@rampalarjun) July 20, 2023 " class="align-text-top noRightClick twitterSection" data="
">My family and I were blessed with a beautiful baby boy today, Mother and son are both well. Filled with love and gratitude. ❤️ Thank you for all your love. #20.07.2023 #helloworld pic.twitter.com/i4aEZqwLrf
— arjun rampal (@rampalarjun) July 20, 2023My family and I were blessed with a beautiful baby boy today, Mother and son are both well. Filled with love and gratitude. ❤️ Thank you for all your love. #20.07.2023 #helloworld pic.twitter.com/i4aEZqwLrf
— arjun rampal (@rampalarjun) July 20, 2023
এইখিনিতে ক’ব লাগিব যে অৰ্জুন আৰু গেব্ৰিয়েলাক প্ৰায়ে ছ’চিয়েল মিডিয়াত সমালোচনা কৰা দেখা যায় ৷ যিহেতু দুয়ো এতিয়াও বিবাহপাশত আৱদ্ধ হোৱা নাই আৰু লিভ-ইনত আছে, সেয়াহে প্ৰায়ে ছ’চিয়েল মিডিয়া ব্যৱহাৰকাৰীয়ে তেওঁলোকক আক্ৰমণৰ লক্ষ্য কৰি লয় ৷ অৱশ্যে এই ক্ষেত্ৰত আজি পৰ্যন্ত অৰ্জুনে কোনো প্ৰতিক্ৰিয়া প্ৰকাশ কৰা নাই ৷
উল্লেখ্য যে, ২০১৯ চনত অৰ্জুনৰ প্ৰথম বিবাহ বিচ্ছেদ হয় । প্ৰথম পত্নী মেহেৰ জেছিয়াৰ সৈতে তেওঁৰ বিবাহ বিচ্ছেদ হৈছিল । যদিও মেহেৰ আৰু অৰ্জুনে তেওঁলোকৰ দুগৰাকী কন্যা মহিকা ৰামপাল আৰু মাইৰা ৰামপালৰ সহ-পেৰেণ্টিং কৰে ।
ৱৰ্ক ফ্ৰণ্টত ৰামপালক পৰৱৰ্তী সময়ত আব্বাছ মস্তানৰ পেণ্টহাউচত ববি দেউলৰ বিপৰীতে দেখা যাব আৰু ক্ৰীড়া একচন ছবি ক্ৰেকতো দেখা যাব । তেওঁক শেষবাৰৰ বাবে দেখা গৈছিল কংগনা ৰানাউটৰ বিপৰীতে ঢাকাড় ছবিখনত, অৱশ্যে এই ছবিখন বক্স অফিচত ফ্লপ বুলি প্ৰমাণিত হৈছিল । আনহাতে গেব্ৰিয়েলা এগৰাকী মডেল । দক্ষিণ আফ্ৰিকাৰ মূলৰ হয় গেব্ৰিয়েলা । কিছুমান ছবিত আইটেম নম্বৰো কৰিছে গেব্ৰিয়েলাই ।
