চিটাৰা ডেস্ক, ১৭ আগষ্ট: অভিনেত্ৰী আমিষা পেটেলে বৰ্তমান গদৰ ২ ৰ সফলতা উপভোগ কৰি আছে । গদৰ ২ ছবিখনে ২০০ কোটিৰ পৰিসংখ্যা অতিক্ৰম কৰাৰ পিচতে ছ’চিয়েল মিডিয়াত মুক্তি লাভ কৰিছে অমিষা পেটেলৰ নতুন ছবিৰ ট্ৰেইলাৰ । ছাচপেন্স আৰু থ্ৰিলাৰ ছবি ‘মিষ্ট্ৰী অৱ টেটু’ৰ ট্ৰেইলাৰ মুকলি হ’ল ৷ ছবিখনত অমিষা পেটেলৰ সৈতে অৰ্জুন ৰামপাল, ডেইজী শ্বাহকো গুৰুত্বপূৰ্ণ চৰিত্ৰত দেখা যাব । মিষ্ট্ৰী অৱ টেটু ছবিখনত হত্যাৰ ৰহস্য সমাধানৰ প্ৰয়াস কৰা দেখা যাব আৰু এই হত্যাৰ ৰহস্য জড়িত হৈ আছে টেটুৰ সৈতে ।
ভাইৰেল হৈছে মিষ্ট্ৰী অৱ টেটুৰ ট্ৰেইলাৰ
মিষ্ট্ৰী অৱ টেটু ট্ৰেইলাৰৰ প্ৰথম দৃশ্যত দেখা গৈছে লণ্ডনৰ আৰক্ষী । তাৰ পিচত হত্যাৰ ৰহস্য কোৱা হয়, য’ত হত্যাকাৰীয়ে মানুহক হত্যা কৰাৰ পিছত তেওঁলোকৰ শৰীৰত টেটু অংকণ কৰে ৷ তাৰ পিচত ডেইজী শ্বাহৰ প্ৰৱেশ দৃশ্যত, যিয়ে হত্যাৰ ৰহস্য সমাধানত আৰক্ষীক সহায় কৰা দেখা যায় । তাৰ পিচত মিষ্ট্ৰী অৱ টেটু ছবিৰে বলীউডত আত্মপ্ৰকাশ কৰা ৰোহিত ৰাজে অধিবক্তাপ চৰিত্ৰত অভিনয় কৰে। অৱশেষত বিশেষ অভিনয়ত দেখা যায় আমিষা পেটেল আৰু অৰ্জুন ৰামপালক আৰু আৰম্ভ হয় কাহিনীৰ টুইষ্ট ।
কেতিয়া মুক্তি পাব মিষ্ট্ৰী অৱ টেটু ?
ছাচপেন্স, থ্ৰিলাৰৰ মিক্স ড’জৰ সৈতে ছবি মিষ্ট্ৰী অৱ টেটু ২০২৩ চনৰ ১ ছেপ্টেম্বৰত ছবিগৃহত মুক্তি লাভ কৰিব । এই ছবিখনত অৰ্জুন ৰামপাল আৰু অমিষা পেটেলক বৰ্ধিত কেমিও চৰিত্ৰত দেখা যাব । একে সময়তে ৰোহিত ৰাজে ছবিখনৰ জৰিয়তে বলীউডত আত্মপ্ৰকাশ কৰিব । এই ছবিখনত অতি গুৰুত্বপূৰ্ণ চৰিত্ৰত অভিনয় কৰিছে ডেইজী শ্বাহে । ছবিখনৰ সমগ্ৰ কাহিনীটো এজন হত্যাকাৰীক লৈ সৃষ্টি আৰু হত্যাকাৰী হৈছে এজন টেটু আৰ্টিষ্ট ৷ হত্যা কৰাৰ পিচত তেওঁলোকৰ ওপৰত টেটু অংকণ কৰে । এতিয়া অমিষা পেটেলৰ এই ছবিখনে বক্স অফিচত কেনে প্ৰভাৱ পেলাব সেয়া হ’ব লক্ষণীয় ৷
লগতে পঢ়ক: Gadar 2 Box Office Collection: ২০২৩ চনৰ দ্বিতীয়খন সৰ্বাধিক হিট ছবি হিচাপে পৰিগণিত গদৰ ২
