চিটাৰা ডেস্ক, 9ছেপ্টেম্বৰ : অনুপম খেৰ আৰু নীনা গুপ্তা অভিনীত শিৱ শাস্ত্ৰী বলবোৱাৰ ফাৰ্ষ্ট লুক মুকলি কৰা হয় ৷ Shiva Shastri Balboa চিনেমাখন পৰিচালনা কৰিছে অজয়ন বেনুগোপালন আৰু প্ৰযোজনা কৰিছে কিশোৰ ৱৰিয়াতে । ফাৰ্ষ্ট লুকত দেখিবলৈ পোৱা গৈছে কেইবাটাও বেগৰে সৈতে ৰাস্তাৰ দাঁতিত অনুপম খেৰ আৰু নীনা গুপ্তাই গাড়ীৰ বাবে অপেক্ষা কৰি আছে । অনুপমৰ মুখখনত টেনচন স্পষ্টকৈ পৰিলক্ষিত হোৱাৰ বিপৰীতে নীনা গুপ্তাক অবিচলিত যেন লাগিছে (Anupam Kher new movie) ।
অনুপম খেৰ আৰু নীনা গুপ্তাই নিজ নিজ ইনষ্টাগ্ৰাম হেণ্ডেলত ছবিখনৰ ফাৰ্ষ্ট লুক শ্বেয়াৰ কৰিছে (Anupam Kher instagram) ৷ পোষ্টাৰখনত আমেৰিকাৰ এটা গ্ৰাম্য অঞ্চলৰ এখন চৰণীয়া পথাৰ দেখুওৱা হৈছে য’ত ছাগলী চৰি আছে । এই চৰণীয়া পথাৰখনৰ মাজেৰে এটা পথ আগবাঢ়ি গৈছে আৰু পথৰ কাষতে বাহনৰ বাবে অপেক্ষা কৰি আছে অনুপম আৰু নীনা গুপ্তাই । দুয়োৰে কাষতে ৰাস্তাত বহি আছে এটা কুকুৰ ৷
ফাৰ্ষ্ট লুকৰ পৰা অনুমান কৰিব পাৰি যে শিৱ শাস্ত্ৰী বালবোৱা ছবিখন বেলেগ এটা বিষয়ক লৈ নিৰ্মাণ কৰা হৈছে । আমোদজনক কথাটো হ’ল এই ছবিখনৰ সমগ্ৰ শ্বুটিং আমেৰিকাত হৈছে । সেয়েহে এই ছবিখনৰ জৰিয়তে দৰ্শকে আমেৰিকাৰ অদৃশ্য স্থানসমূহ দৰ্শন কৰিব পাৰিব ।
ছবিখনৰ বিষয়ে অধিক বিৱৰণ নিৰ্মাতাসকলে এতিয়ালৈকে দিয়া নাই । Shiva Shastri Balboa ত মুখ্য চৰিত্ৰত অভিনয় কৰিছে অনুপম খেৰ, নীনা গুপ্তা, যুগল হান্সৰাজ, নাৰ্গিছ ফাখৰী আৰু শ্বৰীব হাছমীয়ে । এই ছবিখনৰ মুক্তিৰ দিন এতিয়াও ধাৰ্য কৰা হোৱা নাই ।
লগতে পঢ়ক : Virat Kohli century in Asia Cup এছিয়া কাপত বিৰাটৰ শতক:গৰ্বিত অনুষ্কা
