চিটাৰা ডেস্ক, 2 ছেপ্টেম্বৰ: আন এখন ছবিৰ বাবে সাজু হৈছে বলীউডৰ অভিনেতা অক্ষয় কুমাৰ । শেহতীয়াকৈ মুক্তি লাভ কৰিছিল অভিনেতাগৰাকীৰ অভিনীত OMG 2 ৷ এই ছবিখনে বক্স অফিচত দেখুৱাইছিল ভাল ফলাফল ৷ ইফালে 6 অক্টোবৰত মুকলি হ’ব অভিনেতাগৰাকীৰ অভিনীত ছবি ‘মিছন ৰাণীগঞ্জ’ ৷ এই ছবিখনৰ মুক্তিৰ পূৰ্বেই এতিয়া আন এখন ছবিৰ ঘোষণা কৰিছে অক্ষয়ে ৷ ছবিখনৰ নাম ‘স্কাই ফৰ্চ’ । গান্ধী জয়ন্তী উপলক্ষে অক্ষয়ে ছ’চিয়েল মিডিয়াত এটা ভিডিঅ’ শ্বেয়াৰ কৰি এই ছবিখনৰ কথা ঘোষণা কৰিছে। অভিনেতাগৰাকীয়ে কয় যে ছবিখন ঘোষণা কৰিবলৈ ইয়াতকৈ ভাল দিন আৰু হ’ব নোৱাৰে ।
অক্ষয়ে শ্বেয়াৰ কৰা ভিডিঅ’টোৰ আৰম্ভণিতে পাকিস্তানৰ প্ৰাক্তন ৰাষ্ট্ৰপতি মহম্মদ আয়ুব খানৰ নাম লিখা দেখা গৈছে ৷ লগতে বেকগ্ৰাউণ্ডত আয়ুব খানৰ ভইচ অভাৰ শুনা গৈছে । ভইচ অভাৰত তেওঁ কৈছে , “যেতিয়ালৈকে শত্ৰুৰ মাত চিৰদিনৰ বাবে নিমাত নহয় তেতিয়ালৈকে পাকিস্তানৰ ১০ কোটি জনসাধাৰণে শান্তিৰে জিৰণি ল’ব নোৱাৰে । ভাৰতীয় শাসকসকলে হয়তো নাজানে কোনটো সম্প্ৰদায়ক প্ৰত্যাহ্বান জনাইছে ।”
ইয়াৰ উপৰিও ভিডিঅ’টোত ভাৰতৰ প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীৰ ভিজুৱেল দেখুওৱা হৈছে । তেওঁ কয়, “না তলৱাৰ কি নোক পে, না আইটেম বম কে ডৰ ছে । কোই হামাৰে দেশ কো ঝুকানা চাহে, দবানা চাহে, য়ে দেশ দবনেৱালা নহি ৷’’ ইয়াৰ পিচত ভিডিঅ’টোত লিখা দেখা যায়, “ভাৰতৰ প্ৰথম বিমান আক্ৰমণৰ নুশুনা কাহিনী ।” লগতে ভিডিঅ’টোৰ পটভূমিত শুনা যায় জয় হিন্দৰ সংগীত ।
কি ক’লে অক্ষয় কুমাৰে ?
ভিডিঅ’টো শ্বেয়াৰ কৰি অক্ষয় কুমাৰে কেপচনত লিখিছে, ‘আজি গান্ধী-শাস্ত্ৰী জয়ন্তীৰ দিনা সমগ্ৰ দেশে কৈছে – জয় জৱান, জয় কৃষক, জয় বিজ্ঞান, জয় অনুসন্ধান । আমাৰ দেশৰ প্ৰথম বিমান আক্ৰমণৰ নুশুনা কাহিনী স্কাই ফৰ্চ ঘোষণা কৰিবলৈ আজিতকৈ ভাল দিন হ’ব নোৱাৰে । ইয়াক মৰম দিয়ক, জয় হিন্দ জয় ভাৰত ।”
মুক্তিৰ তাৰিখো ঘোষণা
জিঅ’ ষ্টুডিঅ’ৰ বেনাৰত নিৰ্মাণ কৰা হৈছে এই ছবিখন । এই ছবিখন পৰিচালনা কৰিছে সন্দীপ কেৱালানী আৰু অভিষেক কাপুৰে । এই ছবিখন ২০২৪ চনৰ গান্ধী জয়ন্তীত অৰ্থাৎ ২ অক্টোবৰত মুক্তি পাব ।
- " class="align-text-top noRightClick twitterSection" data="">
লগতে পঢ়ক: Tejas Teaser Out: ‘তেজস’ৰ শক্তিশালী টিজাৰ মুকলি, বায়ুসেনাৰ পাইলটৰ একচন অৱতাৰত কংগনা ৰানাৱট
