চিটাৰা ডেস্ক, 2 জুলাই: অক্ষয় কুমাৰে ১ আগষ্টত ঘোষণা কৰিছিল যে তেওঁৰ আগন্তুক ছবি ‘OMG 2’ৰ ট্ৰেইলাৰ আজি অৰ্থাৎ ২ আগষ্টত মুক্তি পাব । সেই অনুসৰি অক্ষয় কুমাৰৰ অনুৰাগীসকলে ১ আগষ্টৰ পৰা অপেক্ষা কৰি আছিল যে অহা ২ আগষ্টত মুক্তি পাব ‘OMG 2’ ছবিখনৰ ট্ৰেইলাৰ । কিন্তু, ২ আগষ্টত সংঘটিত হ’ল এক অনাকাংক্ষিত ঘটনা ৷ আত্মহনন কৰিলে হিন্দী চিনেমাৰ প্ৰবীণ কলা পৰিচালক নীতিন দেশাইয়ে ৷ এই খবৰৰ পিচত শোকস্তব্ধ হৈ পৰিছে সমগ্ৰ বলিউড ।
নীতিন দেশাইৰ মৃত্যুত গভীৰ শোক প্ৰকাশ কৰিছে সমগ্ৰ ছবিজগতে । একে সময়তে এতিয়া অক্ষয় কুমাৰেও নীতিন দেশাইৰ মৃত্যুত শোক প্ৰকাশ কৰিছে আৰু ২ আগষ্টত মুক্তি পাবলগীয়া তেওঁৰ ছবি ‘OMG 2’ৰ ট্ৰেইলাৰ আজি মুকলি নকৰে বুলিও ঘোষণা কৰিছে ৷ লগতে মুক্তিৰ নতুন তাৰিখো ঘোষণা কৰি অক্ষয়ে ৷
নীতিন দেশাইৰ মৃত্যু সহজভাৱে ল’ব পৰা নাই অক্ষয় কুমাৰে
অক্ষয় কুমাৰে কয়- অবিশ্বাস্য ৷ বিশ্বাস কৰিব পৰা নাই, নীতিন দেশাইৰ মৃত্যুৰ খবৰ পাই খুব দুখিত । তেওঁ আছিল আমাৰ চিনেমাত প্ৰডাকচন ডিজাইনৰ এজন অতি গুৰুত্বপূৰ্ণ সদস্য ৷ লগতে, তেওঁ মোৰ বহু ছবিৰ বাবে কাম কৰিছিল, আমাৰ বাবে ই এক ডাঙৰ ক্ষতি, তেওঁৰ মৃত্যুত শোক প্ৰকাশ কৰি আজি আমাৰ ছবি OMG 2 ৰ ট্ৰেইলাৰ মুকলি কৰা নহয়, কাইলৈ পুৱা ১১ বজাত মুক্তি পাব ছবিখনৰ ট্ৰেইলাৰ ।
আত্মহনন কৰে নীতিন দেশাইয়ে
২ আগষ্টৰ পুৱা ৪.৩০ বজাত কাজৰাট (মহাৰাষ্ট্ৰ)ৰ নিজৰ এন ডি ফিল্ম ষ্টুডিঅ’ত ফেনত ওলমি থকা অৱস্থাত উদ্ধাৰ হয় নীতিন দেশাইৰ মৃতদেহ ৷ তেওঁৰ আত্মহত্যাৰ কাৰণ এতিয়ালৈকে আৰ্থিক সংকটত সৃষ্টি হোৱা মানসিক চাপ বুলি কোৱা হৈছে। অৱশ্যে আৰক্ষীয়ে এই সন্দৰ্ভত আৰম্ভ কৰিছে তদন্ত ৷ তদন্তত শেহতীয়াকৈ নীতিনৰ ফোনৰ পৰা এটা অডিঅ’ ক্লিপ লাভ কৰিছে ৷ য’ত চাৰিজন লোকৰ নাম উল্লেখ কৰিছে কলা পৰিচালকগৰাকীয়ে ৷ জানিব পৰা মতে অতি সোনকালেই সেই চাৰিজন লোকক জেৰা চলাব আৰক্ষীয়ে ৷
লগতে পঢ়ক: Nitin Desai death: নীতিন দেশাইৰ মৃত্য়ুত স্তম্ভিত সমগ্ৰ বলীউউ, শোক প্ৰকাশ বলীউডৰ বহু তাৰকাৰ
