চিটাৰা ডেস্ক, 8 মাৰ্চ: আজি ৰঙৰ উৎসৱ ফাকুৱা (Holi 2023) ৷ ফাকুৱা উপলক্ষে দেশজুৰি বিৰাজ কৰিছে এক উখল-মাখল পৰিৱেশ ৷ চাৰিওফালে কেৱল উৎসৱমুখৰ পৰিৱেশ ৷ বলীউডৰ বিভিন্ন অভিনেতা-অভিনেত্ৰীসকলেও উদযাপন কৰিছে হোলী ৷ অভিনেতা-অভিনেত্ৰীসকলে কেৱল হোলী উদযাপন কৰাই নহয়, হোলীৰ উদযাপনৰ ফটো অনুৰাগীৰ বাবে শ্বেয়াৰ কৰিছে ছ’চিয়েল মিডিয়াত ৷ অন্যান্য চেলিব্ৰিটিৰ লগতে অভিনেত্ৰী ছানী লিয়নীয়েও অনুৰাগীৰ বাবে ছ’চিয়েল মিডিয়াত শ্বেয়াৰ কৰিছে হোলী উদযাপনৰ কেইখনমান ফটো ৷
ছানী লিয়নীয়ে নিজৰ ইনষ্টাগ্ৰাম অফিচিয়েল একাউন্টত শ্বেয়াৰ কৰিছে হোলীৰ ফটো (Sunny Leone celebrates Holi) ৷ পৰিয়াল তথা ঘনিষ্ঠ বন্ধুবৰ্গৰ সৈতে হোলী উদযাপনৰ বিশেষ কেইখনমান ফটো শ্বেয়াৰ কৰিছে ছানী লিয়নীয়ে । হোলীৰ ফটো শ্বেয়াৰ কৰি ছানীয়ে লিখিছিল,"হোলী পাৰ্ট 1 ! So much fun"৷ ইফালে ছানীয় ইনষ্টাগ্ৰামত ফটো পোষ্ট কৰা লগে লগেই অনুৰাগীসকলেও হোলীৰ শুভেচ্ছা জ্ঞাপন কৰে ছানীক ৷
- " class="align-text-top noRightClick twitterSection" data="
">
ছানীয়ে হোলী লুকৰ বাবে বাছি লৈছিল বগা কুৰ্তিৰ সৈতে দুপাট্টা ৷ ছানীৰ সৈতে স্বামী ডেনিয়েল আৰু তিনি সন্তানেও বগা সাজ পৰিধান কৰিছিল ৷ ছানি আৰু ডেনিয়েলৰ তিনি সন্তান ক্ৰমে নিশা, নোহ আৰু আশ্বাৰেও অতি আনন্দৰে হোলী উদযাপন কৰা পৰিলক্ষিত হয় (Sunny Leone Holi Pics) ৷
এখন ফটোত স্বামী ডেনিয়েলৰ কোলাত পোজ দিয়াও দেখা পোৱা গ’ল ছানী লিয়নীক । আন এখন ফটোত আকৌ অভিনেত্ৰীগৰাকীৰ তিনিও সন্তানে নিজ নিজ পিচকাৰী লৈ হোলীৰ মজা লোৱা দেখা পোৱা যায় । ছানীৰ আন এখন ফটোত ছানীক মুখত ৰং লোৱা অৱস্থাত ফটোৰ বাবে প’জ দিয়া দেখা যায় ৷ এখন ফটোত ছানি লিয়নীয়ে কন্যা সন্তান নিশাক সাৱটি ধৰা দেখিবলৈ পোৱা যায় ৷ বন্ধুবৰ্গৰ সৈতেও হোলীৰ আনন্দ লৈ ফটোত প’জ দিয়া দেখা যায় ছানীক (Sunny Leone Instagram post) ৷
উল্লেখ্য যে ছানী লিয়নীয়ে ২০১৭ চনত এগৰাকী কন্যা সন্তানক তুলি লৈছিল ৷ কন্যা সন্তানটিৰ নাম ৰাখিছিল নিশা আৰু পৰবৰ্তী সময়ত চেৰ’গেচিৰ জৰিয়তে যমজ সন্তানৰ মাতৃ হয় ছানী ৷ যমজ সন্তান দুটিৰ নাম নোহ আৰু আশ্বাৰ ৷ সৰু পৰিয়ালৰ সৈতে বৰ্তমান সুখী ছানী লিয়নী ৷
লগতে পঢ়ক: Holi festival 2023: অনুৰাগীক হোলীৰ শুভেচ্ছা জনালে ছলমান খানে
