চিটাৰা ডেস্ক, 15 আগষ্ট: ২ মাহৰ দীঘলীয়া যাত্ৰাৰ অন্তত এতিয়া শেষ হৈছে Bigg Boss OTT ৰ ছিজন 2 । ঘোষণা হ’ল ছিজন 2 ৰ বিজয়ীৰ নাম ৷ গ্ৰেণ্ড ফিনালেত অভিষেক মালহান আৰু এলভিছ যাদৱৰ মাজত যুঁজ হয় ।
শ্ব’টোৰ বিজয়ী কোন ?
অৱশেষত বিগ বছ অ’টিটি ২ৰ হোষ্ট ছলমান খানে এই ছাচপেন্সৰ অন্ত পেলাই এলভিছ যাদৱক বিজয়ী ঘোষণা কৰে । আনহাতে, অভিষেক মালহান হয় প্ৰথম ৰানাৰ্ছ আপ । কিন্তু শ্ব’ শেষ হোৱাৰ পিচত অভিষেক পোনে পোনে হাস্পতাললৈ ৰাওনা হয় ।
ফিনালেৰ পূৰ্বে অসুস্থ হৈ পৰিছিল অভিষেক
আচলতে গ্ৰেণ্ড ফিনালেৰ ঠিক পূৰ্বে অভিষেক মালহানৰ স্বাস্থ্যৰ অৱনতি ঘটিছিল, তাৰ পিচত তেওঁক চিকিৎসালয় লৈ যোৱা হৈছিল ৷ আনকি অসুস্থতাৰ বাবে অভিষেকে ফিনালেতো পাৰৰ্ফম কৰিব নোৱাৰিলে ৷ অৱশ্যে ফিনালেত পৰৱৰ্তী সময়ত চিকিৎসকৰ অনুমতি লৈ উপস্থিত হয় অভিষেক ৷
হাস্পতালৰ বিচনাৰ পৰা ভিডিঅ’ শ্বেয়াৰ কৰিলে অভিষেকে
বিগ বছ অ’টিটি ছিজন ২ৰ বিজয়ীৰ নাম ঘোষণা কৰাৰ লগে লগে শ্ব’টোৰ অন্ত পৰে । শ্ব’টো সমাপ্ত হোৱাৰ লগে লগে চিকিৎসালয়ত ভৰ্তি হয় অভিষেক ৷ এতিয়া হাস্পতালৰ পৰাই তেওঁ এটা ভিডিঅ’ মুকলি কৰিছে, য’ত অভিষেকক হাত ভাঁজ কৰি অনুৰাগীৰ ওচৰত ক্ষমা বিচৰা দেখা গৈছে ।
অনুৰাগীৰ ওচৰত ক্ষমা বিচাৰিলে অভিষেকে
চিকিৎসালয়ৰ পৰা ভিডিঅ’ মুকলি কৰি অভিষেকে কয়, "প্ৰথমে আপোনালোক সকলোকে বহুত বহুত ধন্যবাদ । মোক ভোট দিয়া সকলোলৈ মই কৃতজ্ঞ । মই জানো যে মই ট্ৰফী আনিব পৰা নাই, কিন্তু আপোনালোকে মোক যি মৰম দেখুৱাইছে ভগৱানৰ শপত, মই নাভাবো যে আপোনালোকে মোক দিয়া মৰমৰ মই যোগ্য।’’
এলভিছৰ জয়ক লৈ কি ক’লে অভিষেকে ?
বিগ বছ অ’টিটি ২ ৰ বিজয়ী এলভিছ যাদৱক অভিনন্দন জনাই তেওঁ কয়, "মাত্ৰ বিগ বছৰ চেটৰ পৰা চিকিৎসালয়লৈ উভতি আহিলোঁ । ট্ৰফী আনিব নোৱাৰাৰ বাবে মোক সমৰ্থন কৰা সকলোৰে পৰা ক্ষমা বিচাৰিছো। আপোনালোক সকলোকে ধন্যবাদ । জয়ী হোৱাৰ বাবে অভিনন্দন এলভিছ যাদৱ । "
লগতে পঢ়ক: Bigg Boss OTT 2 Winner: ১৬ বছৰৰ অভিলেখ ভংগ কৰিলে বিগ বছ অ’টিটি ২ৰ বিজয়ী এলভিছ যাদৱে; কি এই অভিলেখ
