চিটাৰা ডেস্ক, 23 মাৰ্চ: গেংষ্টাৰ ছবিখনেৰে অভিনয়ৰ জগতত ভৰি দিয়াৰ বলীউডৰ কুইন কংগনা ৰানাৱটৰ আজি জন্মদিন (Happy birthday Kangana Ranaut) ৷ ছবি জগতত ভৰি দিয়ে নিজৰ বহুমুখী অভিনয়েৰে দৰ্শকক মোহাচ্ছন্ন কৰিছিল কংগনাই ৷ অভিনয়ৰ দক্ষতা আৰু নিৰ্ভীক ব্যক্তিত্বৰ দ্বাৰা লাখ লাখ অনুৰাগীৰ হৃদয় জয় কৰিবলৈ সক্ষম হৈছিল ৷ প্ৰায় দুটা দশকজুৰি ক’বলৈ গ’লে বলীউডত ৰাজ কৰিছে কংগনাই ৷ বৰ্তমানো অব্যাহত আছে কুইনৰ ৰাজত্ব ৷ ৩৬ বছৰীয়া জন্মদিনত চাও আহক কংগনাৰ কেইখনমান উল্লেখনীৰ ছবিৰ চৰিত্ৰৰ বিষয়ে ৷
গেংষ্টাৰ (Gangster)
গেংষ্টাৰ ছবিখনৰ জৰিয়তে ছবি জগতত প্ৰৱেশ কৰিছিল কংগনা । অনুৰাগ বসুৰ পৰিচালনাত নিৰ্মিত ছবিখন ২০০৬ চনত ছবিগৃহত মুক্তি লাভ কৰে ৷ ছবিখনত এগৰাকী বাৰ ডান্সাৰৰ চৰিত্ৰত অভিনয় কৰে কংগনা ৷ বাৰ ডান্সাৰ আৰু এজন গেংষ্টাৰ (শ্বাইনী আহুজা)ৰ মাজৰ সম্পৰ্কক কেন্দ্ৰ কৰিয়েই আছিল নিৰ্মিত হৈছিল ছবিখন । ইমৰাণ হাছমীও আছিল এই ছবিখনৰ অংশ ৷
ফেশ্বন (Fashion)
ফেশ্বন ছবিখনৰ জৰিয়তে অভিনয়ত নিজৰ দক্ষতা দেখুৱাইছিল কংগনাই । ফেশ্বন ছবিখনত প্ৰিয়ংকা চোপ্ৰাই মুখ্য চৰিত্ৰত অভিনয় কৰিলেও কংগনাই অশান্ত মডেল হিচাপে অভিনেত্ৰীগৰাকীৰ তাৰকাময় অভিনয়েৰে দৰ্শকৰ হৃদয় জয় কৰিবলৈ সক্ষম হৈছিল ৷ এই হিট ছবিখন কংগনাৰ বাবে সদায় বিশেষ হৈ থাকিব, কাৰণ এই ছবিখনৰ জৰিয়তেই ৰাষ্ট্ৰীয় বঁটাত বিজয়ীৰ দৌৰৰ আৰম্ভণি কৰিছিল কংগনাই ।
কুইন (Queen)
২০১৪ চনত মুক্তি লাভ কৰিছিল 'কুইন' ছবিখন ৷ ছবিখন ৰাণী মেহৰা (কংগনা)ৰ চৰিত্ৰত অভিনয় কৰিছিল কংগনাই ৷ ছবিখনত বিজয় ধিংৰা (ৰাজকুমাৰ ৰাও)ৰ সৈতে ৰাণী মেহৰা (কংগনা)ৰ বিবাহ ঠিক হয় ৷ কিন্তু বিশেষ দিনটোৰ মাত্ৰ এদিন পূৰ্বে বিজয় ধিংৰাই বিয়া বাতিল কৰে ৷ ইয়াৰ পিচত অকলেই হানিমুনলৈ যোৱাৰ সিদ্ধান্ত লয় কংগনাই । কংগনাৰ এই অভিনয়ে পুৰুষ প্ৰধান সমাজত স্বাধীন জীৱন যাপন কৰিবলৈ কুণ্ঠাবোধ কৰা যুৱতীসকলৰ বাবে প্ৰেৰণাৰ উৎস হিচাপে কাম কৰে । কুইন ছবিখনত কংগনাৰ অভিনয়ৰ বাবে কংগনাই দ্বিতীয়টো ৰাষ্ট্ৰীয় বঁটা লাভ কৰে ।
তনু ৱেডছ মানু ফ্ৰেঞ্চাইজি (Tanu Weds Manu franchise)
আনন্দ এল ৰায়ৰ ছবি 'তনু ৱেডছ মানু ৰিটাৰ্ণছ' (২০১১)ত অভিনেত্ৰীগৰাকীয়ে আৰ মাধৱনৰ সৈতে নিজৰ কমিক দিশটো দৰ্শকৰ আগত মুকলি কৰে । দৰ্শকক হাঁহিৰ খোৰাক দিবলৈ ২০১৫ চনত পুনৰ বাব ‘তনু ৱেডছ মানু ৰিটাৰ্ণছ’ৰ কথা ভাবিছিল কংগনাই । তনু ৱেডছ মানু ৰিটাৰ্ণছত কংগনা আৰু মাধৱনৰ বিবাহৰ পিচত সম্পৰ্কত যিবোৰ সমস্যাৰ সৃষ্টি হয় সেইবোৰ অতিকৈ সুন্দৰকৈ উপস্থাপন কৰা হয় ৷ ছবিখনত কংগনাই দ্বৈত চৰিত্ৰত অভিনয় কৰিছিল ৷ তানু ৱেডছ মানু ৰিটাৰ্নছত হাস্যৰসময়ী অৱতাৰে দ্য নেচনেল ফিল্ম এৱাৰ্ডছৰ জুৰীৰ দৃষ্টি আকৰ্ষণ কৰিছিল ৷ যাৰ বাবে তেওঁলোকে কংগনাক পুনৰবাৰ এই সন্মানীয় বঁটাৰে সন্মানিত কৰিছিল ৷
মণিকাৰ্ণিকা: ঝান্সীৰ ৰাণী (Manikarnika: The Queen ofJhansi)
২০১৯ চনত মুক্তি লাভ কৰিছিল কংগনাৰ মণিকাৰ্ণিকা:ঝান্সিৰ ৰাণী ৷ ৰাধা কৃষ্ণ জাগৰলামুডীৰ সৈতে ঐতিহাসিক ছবিখনৰ কেইবাটাও অংশ অভিনেত্ৰীগৰাকীয়ে নিজেই পৰিচালনা কৰিছিল । ঝান্সীৰ ৰাণী লক্ষ্মীবাইৰ সাহসক সন্মান জনাই নিৰ্মাণ কৰা হৈছিল ‘মনিকাৰ্ণিকা: দ্য কুইন অৱ ঝান্সী’। ছবিখনত কংগনা ৰানাৱটে মুখ্য চৰিত্ৰত অভিনয় কৰিছিল । এই ছবিখনৰ বাবে অভিনেত্ৰীগৰাকীয়ে আন এটা ৰাষ্ট্ৰীয় বঁটা আজৰি আনিবলৈ সক্ষম হয় ৷ "
পাংগা (Pangaa)
২০২০ চনত মুক্তি পোৱা ছবিখন নিৰ্মিত হৈছিল এগৰাকী অৱসৰপ্ৰাপ্ত কাব্বদী খেলুৱৈৰ ওপৰত ৷ অৱসৰপ্ৰাপ্ত কাব্বদী খেলুৱৈ কংগনাই যিয়ে খেলৰ জগতত পুনৰ প্ৰত্যাৱৰ্তন কৰাৰ আশা প্ৰকাশ কৰিছিল । অশ্বিনী আয়েৰ তিৱাৰীৰ পৰিচালনাত নিৰ্মিত এই ছবিখনত ঋচা চাদ্ধা, নীনা গুপ্তা, জেছি গি, আৰু পংকজ ত্ৰিপাঠীয়েও মূল চৰিত্ৰত অভিনয় কৰিছে । ছবিখনত এগৰাকী মাতৃয়ে নিজৰ ঘৰ-সংসাৰৰ দায়িত্ব পালন কৰাৰ লগতে নিজৰ সপোনক দ্বিতীয় সুযোগ দিবলৈ আহ্বান জনোৱা হয় ৷
থালাইভি (Thalaivii)
থালাইভি ছবিখনত কংগনাই তামিলনাডুৰ প্ৰাক্তন মুখ্যমন্ত্ৰী জে জয়াললিতাৰ চৰিত্ৰত অভিনয় কৰিছিল । ৰাজনীতিবিদ হোৱাৰ আগতে জয়াললিতা তামিল চলচ্চিত্ৰ জগতৰ অংশ আছিল । জয়াললিতাৰ চৰিত্ৰত অভিনয় কৰিবলৈ কংগনাই যৎপৰোনাস্তি চেষ্টা চলাইছিল । আনকি এই চৰিত্ৰত অভিনয় কৰিবলৈ নিজৰ ২০ কিলো ওজনো বৃদ্ধি কৰিছিল কংগনাই । আগন্তুক মাহত দৰ্শকে কংগনাক 'মণিকাৰ্ণিকা ৰিটাৰ্নছ: দ্য লিজেণ্ড অৱ ডিড্ডা' , 'চন্দ্ৰমুখী ২' আৰু 'দ্য ইনকাৰ্নেচন: সীতা' ছবিকেইখনত দেখা পাব । ভাৰতৰ প্ৰাক্তন প্ৰধানমন্ত্ৰী ইন্দিৰা গান্ধীৰ জীৱনৰ আধাৰত নিৰ্মিত ‘ইমাৰ্জেন্সি’ ছবিখনৰো শ্বুটিং চলি আছে ৷ (ANI)
লগতে পঢ়ক: Kangana Ranaut On Diljit Dosanjh: পুনৰবাৰ দিলজিৎ দোসাঞ্জক টাৰ্গেট কৰিলে কংগনাই
