কামৰূপ,19 এপ্ৰিল : ৰাজ্যত অন্ত পৰিল প্ৰথম আৰু দ্বিতীয় পৰ্যায়ৰ নিৰ্বাচন ৷ পুনৰ 23 এপ্ৰিলত ৰাজ্যৰ ধুবুৰী,কোকৰাঝাৰ,বৰপেটা আৰু গুৱাহাটীত অনুষ্ঠিত হ'ব তৃতীয় পৰ্যায়ৰ নিৰ্বাচন । ৮৮৬ টা ভোট গ্ৰহণ কেন্দ্ৰত অনুষ্ঠিত হ'বলগীয়া এই তৃতীয় পৰ্যায়ৰ নিৰ্বাচনৰ বাবে ইতিমধ্যেই সাজু হৈ উঠিছে প্ৰশাসনীয় সকলো ব্যৱস্থা। প্ৰয়োজনীয় সকলো সা-সামগ্ৰী লৈ গুৱাহাটী লোকসভা সমষ্টিৰ বাবেও সাজু হৈ উঠিছে কামৰূপ জিলা প্ৰশাসন ।
তৃতীয় পৰ্যায়ৰ নিৰ্বাচনৰ বাবে সাজু প্ৰশাসন
আনহাতে ৮৮৬ টা ভোটগ্ৰহণ কেন্দ্ৰত অনুষ্ঠিত হ'বলগীয়া এই তৃতীয় পৰ্যায়ৰ ভোটগ্ৰহণ প্ৰক্ৰিয়াত ভোটাধিকাৰ সাব্যস্ত কৰিব ৭,১২,০৬৫ গৰাকী ভোটাৰে । ৰাজ্যৰ 4টা সমষ্টিত হ'বলগীয়া এই তৃতীয় পৰ্যায়ৰ নিৰ্বাচনৰ বাবে এতিয়া সমষ্টিকেইটাত চলিছে বিশেষ উৎসাহ আৰু উদ্দীপনা ।
