অংগৰাগ পাপন মহন্তৰ ভোটদান

ভোদদান কৰিব আহি নৱপ্ৰজন্মৰ উৎসাহ দেখি খুবেই উৎসাহিত হৈ পৰে পাপন মহন্ত ৷ আমেৰিকাৰ পৰা আহি ভোটদান সাব্যস্ত কৰে পাপনে ৷

গুৱাহাটী, 23 এপ্ৰিলঃ অসমীয়া সংগীত জগতৰ লগতে বলিউডত প্ৰতিষ্ঠিত সংগীতশিল্পী অংগৰাগ পাপন মহন্তই সাব্যস্ত কৰে ভোটাধিকাৰ ৷ 7 নং গুৱাহাটী লোকসভা সমষ্টিৰ অন্তৰ্গত এআইডিচিৰ এটা ভোটকেন্দ্ৰত ভোট প্ৰদান কৰে শিল্পী গৰাকীয়ে৷ উল্লেখ্য যে, আমেৰিকাৰ পৰা আহি ভোটদান সাব্যস্ত কৰে পাপনে ৷ ইপিনে পাপনৰ লগতেই তেখেতৰ মাতৃ অৰ্চনা মহন্তয়ো অসুস্থতাৰ মাজেতেই একেটা ভোটকেন্দ্ৰতে সাব্যস্ত কৰে ভোটাধিকাৰ ৷

ভোটদান কৰিব আহি নৱপ্ৰজন্মৰ উৎসাহ দেখি খুবেই উৎসাহিত হৈ পৰে পাপন মহন্ত ৷ তেওঁৰ মতে সুস্থ সবল নিকা এখন চৰকাৰ লাগে আৰু ৰাইজৰ কাম কৰা এজন সাংসদ লাগে বুলি মত পোষন কৰে ৷