বিহপুৰীয়া, 4 এপ্ৰিলঃ বিহপুৰীয়া বিধানসভা সমষ্টিৰ অন্তৰ্গত নাৰায়নপুৰত বহুকেইখন নিৰ্বাচনী সভাত ভাগ লয় তেজপুৰ লোকসভা সমষ্টিৰকংগ্ৰেছৰপ্ৰাৰ্থী এম জি ভি কে ভানুৱে ৷ নিৰ্বাচনী সভাতঅংশগ্ৰহণ কৰি বিজেপি প্ৰাৰ্থী পল্লৱলোচন দাসক ইংৰাজী আৰু হিন্দীত কথা ক'বলৈ প্ৰত্যাহ্বান জনায় প্ৰাক্তন আই এ এছ বিষয়াগৰাকীয়ে ৷
পল্লৱলোচন দাস তথা বিজেপি দলে শালীনতাৰ সীমা চেৰাই গৈ বুঢ়া গৰু বুলি কৰা অপমানৰ প্ৰত্যুত্তৰত পল্লৱলোচনক সঠিক আৰু মাৰ্জিত ভাষাৰে সমালোচনা কৰে কংগ্ৰেছী প্ৰাৰ্থীগৰাকীয়ে ৷ পল্লৱ লোচনে বয়োজ্যেষ্ঠ সকলক সন্মান কৰিব নাজানে, অসমৰ ৰাইজক গুৰুত্ব নিদি নাগৰিকত্ব সংশোধনী বিধেয়ক কাৰ্যকৰী কৰাত গুৰুত্ব দিয়া বিজেপিৰ অহংকাৰেই ইয়াৰ মূল কাৰণ বুলি কয় ভানুৱে ৷
প্ৰাক্তন বিধায়ক ভূপেন বৰাক লগত লৈ নিৰ্বাচনী প্ৰচাৰত অংশগ্ৰহণ কৰে ভানুৱে ৷ আনহাতে ভানুৰ লগতে ভূপেন বৰায়ো বিজেপি দলক সমালোচনা কৰে ৷ সাত বছৰৰ আগতেই ৰাজনীতিৰ পৰা অৱসৰ গ্ৰহণ কৰা প্ৰাক্তন বিধায়ক দেৱানন্দ হাজৰিকাক লৈ পল্লৱলোচনে বুঢ়া গৰুৰ কথা কোৱাটো একেবাৰে দুৰ্ভাগ্যজনক বুলি কয় বিধায়ক ভূপেন বৰাই ৷
