পশ্চিম বিলাসীপাৰা,21 জুন : সোমবাৰে ধুবুৰী জিলাৰ বিলাসীপাৰাৰ পশুৱাৰখাল ২য় খণ্ড গাঁৱত আৰক্ষীৰ অভিযান চলায় ৷ অভিযানৰ সময়ত আৰক্ষীয়ে টাটা ম’বাইল বাহনসহ জব্দ কৰে বৃহৎ পৰিমাণৰ চোৰাং নীলা কেৰাচিন ৷ লগতে আটক কৰে চোৰাং কেৰাচিন তেল ব্যৱসায়ৰ লগত জড়িত এজন ব্যৱসায়ীক ৷
চুবুৰীয়া ৰাজ্য পশ্চিমবংগৰ পৰা চোৰাং তেলসমূহ সৰবৰাহ কৰি জহৰ আলী নামৰ চোৰাং তেল ব্যৱসায়ীজনে নিজ বাসগৃহত মজুত কৰিবলৈ লয় ৷ তেনে সময়তে গাঁৱখনৰ জহৰ আলীৰ বাসগৃহত বিলাসীপাৰা আৰক্ষীয়ে এক অভিযান চলায় ৷ বাসগৃহটোৰ পৰা আৰক্ষীয়ে জব্দ কৰে প্ৰায় ৪ হাজাৰ লিটাৰ চোৰাং তেল ৷
চোৰাং তেল কঢ়িওৱা বাহনখনৰ চালক তথা চোৰাং তেল ব্যৱসায়ী ছলেমান আলীক আৰক্ষীয়ে আটক কৰি থানা লৈ নিয়ে ৷ জব্দ কৃত বাহনখনৰ নম্বৰ AS 17 B 9758 বুলি জানিব পৰা গৈছে ৷ চোৰাং তেলখিনি বিলাসীপাৰা আৰক্ষীয়ে নিজ জিম্মাত ৰাখিছে বুলি আৰক্ষী বিষয়া গৰাকীয়ে জানিবলৈ দিয়ে ৷
লগতে পঢ়ক : বাইহাটাত যোগত অংশগ্ৰহণ বিধায়ক দিগন্ত কলিতাৰ
