ডুমডুমা, 27 মেঃ তিনিচুকীয়া জিলাৰ ফিল'বাৰীৰ এগৰাকী যুৱতীৰ ৰাইজলৈ কৰুণ আহ্বান ৷ মাতৃৰ চিকিৎসাৰ বাবে গৈ ইতিমধ্যে নেপালত আৱদ্ধ হৈ আছে মাতৃৰ সৈতে যুৱতী গৰাকী ৷
লকডাউনৰ পূৰ্বেই চকু চিকিৎসাৰ বাবে নেপাললৈ গৈছিল তিনিচুকীয়া জিলাৰ ফিল'বাৰীৰ অমৃকা দেবী নামৰ এগৰাকী মহিলা । মাতৃৰ সৈতে জীয়ৰী সংগীতা ছেত্ৰীও গৈছিল নেপাললৈ ৷ লকডাউনৰ বাবে নেপালতে আৱদ্ধ হ'ব লগা হয় ৷ আনহাতে আৱদ্ধ হৈ থকাৰ সময়তেই পেটৰ এক জটিল ৰোগত আক্ৰান্ত হয় মাতৃ অমৃকা দেবী ৷ চিকিৎসকে মহিলাগৰাকীৰ কন্যা সংগীতা ছেত্ৰীক জনোৱা মতে, পেটৰ ভিতৰত পাথৰ হৈ ফাটি যোৱা বুলি জনোৱাৰ লগতে চিকিৎসাৰ বাবে প্ৰায় তিনি লক্ষাধিক টকাৰ প্ৰয়োজন হ'ব বুলিও জনাইছে সংগীতাক । যাৰ বাবে এতিয়া দৰিদ্ৰ পৰিয়ালটো নিৰুপায় হৈ পৰিছে ।
আনহাতে দৰিদ্ৰ পৰিয়ালটোৰ লগত অটল অমৃত আঁচনিৰ কাৰ্ড আছে যদিও সেই কাৰ্ড নেপালৰ চিকিৎসালয়ত গ্ৰহণ নকৰে । ফলত প্ৰায় এক সপ্তাহ ধৰি চিকিৎসা অবিহনে এনেদৰেই চিকিৎসালয়ৰ বিচনাত মৃত্যুৰ সৈতে যুজি আছে দুৰ্ভগীয়া মহিলাগৰাকী । ইতিমধ্যে পৰিয়ালটোৰ যিখিনি সা-সম্পত্তি আছিল সকলো বিক্ৰী কৰিলে ৷ অৱশেষত উপায়ন্তৰ হৈ পৰিয়ালটোৱে মাতৃৰ চিকিৎসাৰ ব্যৱস্থা কৰি দিবলৈ চৰকাৰক কাতৰ আহ্বান জনাইছে সংগীতা ছেত্ৰীৰ লগতে পৰিয়ালটোৱে । লগতে চিকিৎসাৰ বাবে চৰকাৰৰ লগতে সু-হৃদয়ৱান লোকৰ সহায় ভিক্ষাৰ বাবে আহ্বান জনাইছে জীয়ৰী সংগীতাই ৷ কোনো সদাশয় লোকে যদি পৰিয়ালটোক সহায় কৰিব বিচাৰে সংগীতা ছেত্ৰীৰ United Bankৰ ডুমডুমা শাখাত থকা A/C No: 0015010713122, ISFC Code: UTBI0DOD316 ত সহায় আগবঢ়াব পাৰে । লগতে অমৃকা দেবীৰ পৰিয়ালৰ মোবাইল নম্বৰ: 6901775728 তো যোগাযোগ কৰিব পাৰিব বুলি ৰাইজলৈ কাতৰ আহ্বান জনাইছে পৰিয়ালটোৱে ৷
