শদিয়া, 1 জানুৱাৰী : ৰাজ্যৰ যিকোনো প্ৰান্তৰ বাট-পথৰ দাঁতিত প্ৰায়ে দেখা যায় বিভিন্ন দেৱ-দেৱীৰ মন্দিৰ ৷ এই মন্দিৰ সমূহত বিভিন্ন সময়ত পৰিলক্ষিত হয় চৰকাৰৰ হাতোৰা পৰা ৷ তেনে অৱস্থাত স্থানীয় লোক আৰু প্ৰশাসনৰ মাজত সৃষ্টি হয় সংঘাত ৷
তিনিচুকীয়া জিলাৰ ডুমডুমাৰ অন্তৰ্গত বৰহাপজানত প্ৰায় 60 বছৰ পূৰ্বে ৰাইজৰ দান-বৰঙণিৰে নিৰ্মাণ কৰা হৈছিল এটি হনুমান মন্দিৰ ৷ কিন্তু বৰ্তমান মন্দিৰটোত পৰিছে চৰকাৰী বিভাগৰ ৰঙাচকু ৷ জিলাখনৰ 37 নং ৰাষ্ট্ৰীয় ঘাইপথৰ সৈতে লাগি থকা মন্দিৰটো ডুমডুমা ৰাজহ চক্ৰ বিষয়াৰ কাৰ্যালয়ে উচ্ছেদ কৰিবলৈ যো-জা চলাই 28 ডিচেম্বৰত জাৰি কৰিছিল এক জাননী ৷
উক্ত জাননী অনুসৰি, মন্দিৰটো উচ্ছেদৰ বাবে পৰিচালনা সমিতিক প্ৰশাসনে বান্ধি দিছিল 48 ঘণ্টাৰ সময়সীমা ৷ প্ৰশাসনৰ উক্ত সময়সীমাৰ পিছতেই স্থানীয় ভক্তগণে মন্দিৰ প্ৰাংগণত অৱস্থান ধৰ্মঘট কাৰ্যসূচী ৰূপায়ণ (Devotees strike to protect temple) কৰে ৷ প্ৰতিবাদকাৰীসকলে মন্দিৰটো স্থানান্তৰ কৰিবলৈ 6 মাহৰ সময় সীমা প্ৰদান কৰিবলৈ বিভাগীয় কৰ্তৃপক্ষক দাবী জনায় ৷
স্থানীয় লোকসকলৰ এই দাবীক বিভাগে কি দৰে গ্ৰহণ কৰে অথবা ৰাইজৰ দাবী ডুমডুমাৰ ৰাজহ চক্ৰ বিষয়াই মানি 6 মাহৰ সময়সীমা প্ৰদান কৰিব নে নাই, সেয়া পৰৱৰ্তী সময়ত লক্ষণীয় হ’ব ৷
লগতে পঢ়ক : 12 dead at Mata Vaishno Devi Temple : কাটৰাত বৈষ্ণো দেৱী মন্দিৰত পদপিষ্ট হৈ মৃত্যু 12 জনৰ
