তেজপুৰ, 7 ডিচেম্বৰ: এইবাৰ জাতিধ্বংসী নাগৰিকত্ব সংশোধনী বিধেয়কৰ বিৰুদ্ধে থিয় দিলে ঐতিহাসিক অসম আন্দোলনৰ 855 জন ছহিদৰ কেঁচা তেজৰ বিনিময়ত জন্মলাভ কৰা দেশৰ আগশাৰীৰ শিক্ষানুষ্ঠান তেজপুৰ কেন্দ্ৰীয় বিশ্ববিদ্যালয়ৰ ছাত্ৰ-ছাত্ৰীসকলে ৷ শনিবাৰে জাতি আৰু ধৰ্ম ভিত্তিত বিভাজন কৰি সমগ্ৰ অসমীয়া জাতিক ধ্বংস কৰিব বিচৰা নাগৰিকত্ব সংশোধনী বিধেয়কৰ বিৰুদ্ধে বিশ্ববিদ্যালয়খনৰ প্ৰায় দুই সহস্ৰাধিক ছাত্ৰ-ছাত্ৰীয়ে উত্তাল কৰি তোলে বিশ্ববিদ্যালয়ৰ আকাশ-বতাহ ৷ বিশ্ববিদ্যালয় প্ৰশাসনৰ বাধাকো নেওচি এক বৃহৎ প্ৰতিবাদী মিচিল বাহিৰ কৰি কেন্দ্ৰীয় চৰকাৰে সম্পূৰ্ণ ফেচীবাদী কায়দাৰে অসমীয়াৰ ওপৰত জাপি দিব খোজা অসাংবিধানিক কেবক একে মুখে ধিক্কাৰ দিলে বিশ্ববিদ্যালয়খনৰ প্ৰতিবাদকাৰী ছাত্ৰ-ছাত্ৰীসকলে ৷ সম্পূৰ্ণ ব্যতিক্ৰমী কায়দাৰে আয়োজন কৰা এই প্ৰতিবাদত ছাত্ৰ-ছাত্ৰী সকলে প্ৰতিবাদী গীত গাই, কবিতা পাঠ কৰি এই জাতিধ্বংসী বিধেয়কৰ তীব্ৰ বিৰোধিতা কৰে ৷ এই সন্দৰ্ভত চাও আহক আমাৰ এক বিশেষ প্ৰতিবেদন ৷
আৰু পঢ়ক: জাতি ৰক্ষাৰ স্বাৰ্থত দল সংগঠনৰ ৰণহুংকাৰ
