ৰঙাপাৰা, ১০ এপ্ৰিলঃ নিৰ্বাচনৰ প্ৰাকমূহুৰ্তত বুধবাৰে শোণিতপুৰৰ ৰঙাপাৰাৰ প্ৰাক্তন বিধায়ক ভীমানন্দ তাঁতীৰ বাসগৃহত আৰক্ষীৰ তালাচী অভিযান । ৰঙাপৰাৰ ১ নং নামনিগাঁওস্থিত বিধায়কগৰাকী বিধায়কগৰাকী বাসগৃহত আৰক্ষীয়ে অভিযান চলাই যদিও আৰক্ষীয়ে উদ্ধাৰ কৰিবলৈ সক্ষম নহয় কোনোধৰণৰ আপত্তিজনক সামগ্ৰী ।ইফালে, আৰক্ষীৰ এই অভিযানক লৈ ক্ষোভিত হৈ পৰে ৰঙাপাৰা কংগ্ৰেছ কৰ্মীসকল ।
এই ঘটনাৰ সন্দৰ্ভত কংগ্ৰেছৰ কেইবাগৰাকীও কংগ্ৰেছ কৰ্মীয়ে নিজ নিজ প্ৰতিক্ৰিয়া প্ৰকাশ কৰিছ । কংগ্ৰেছ কৰ্মী ভিক্টৰ মমিনে এই সন্দৰ্ভত কয় যে, একাংশ ৰাজনৈতিক দল আজি হতাশ হৈ এতিয়া প্ৰশাসনৰ আশ্ৰয় লৈছে । প্ৰশাসনৰ যদি সাহস আছে তেনেহ'লে বিজেপিৰ বিধায়কসকলৰ বাসগৃহতো চলাওক তালাচী ।
ইয়াৰোপৰিও, জিলা প্ৰশাসনে প্ৰাক্তন বিধায়ক ভীমানন্দ তাঁতীৰ ৰঙাপৰাত থকা বাসগৃহত যিদৰে তালাচী চলালে ঠিক তেনেদৰে ঢেকিয়াজুলিৰ বিধায়ক অশোক সিংঘাল, বৰছলাৰ বিধায়ক গণেশ লিম্বুৰ বাসগৃহতো তালাচী চলাওক বুলি মন্তব্য কৰে অসম প্ৰদেশ কংগ্ৰেছৰ সম্পাদক কাৰ্তিক কুৰ্মীয়ে ।
