চৰাইদেউত আলফা আৰু এন এছ চি এনৰ তিনি কেদাৰ আটক

চৰাইদেউ জিলাত আলফা আৰু এন এছ চি এনৰ তিনি কেদাৰ আটক কৰা হৈছে ৷ তিনিজন কেদাৰৰ পৰা অস্ত্ৰ-শস্ত্ৰৰ লগতে বহু নথি-পত্ৰ উদ্ধাৰ কৰিছে আৰক্ষীয়ে ৷

শিৱসাগৰ, 13 নৱেম্বৰ : চৰাইদেউ জিলাৰ ভজো আৰু নামতোলাত সেনা বাহিনীয়ে অভিযান চলাই আটক কৰে আলফা আৰু এছ এছ চি এনৰ কেডাৰ ৷ ভজোত অভিযান চলাই সুৰজিত তাঁতী নামৰ এজন আলফা কেডাৰক আটক কৰাৰ লগতে উদ্ধাৰ কৰা হয় চীনত নিৰ্মিত এটা হেণ্ড গ্ৰেণেড, এটা ম'বাইল ফোন আৰু দহ গ্ৰাম জাঞ্জা ৷

তিনি উগ্ৰপন্থী আটক

আনহাতে, নামতোলাত চলোৱা অন্য এক অভিযানত এন এছ চি এন (ইউ)ৰ ৱাংটছন কন্যাক আৰু এন এছ চি এন (আইএম)ৰ কেপ্তেইন ন'কেইম কন্যাক নামৰ দুজন গেৰিলাক আটক কৰা হয় । আটকাধীন উগ্ৰপন্থী দুজনৰ ঘৰ নগালেণ্ডৰ মন জিলাত বুলি জানিব পৰা গৈছে । দুয়োজনৰ পৰা হাতে লিখা আপত্তিজনক নথি-পত্ৰৰ লগতে এটা ম'বাইল ফোন আৰু ভাৰতীয় টকা উদ্ধাৰ কৰিছে আৰক্ষীয়ে ।

আৰু পঢ়ক : কাইলৈ উচ্চতম ন্যায়ালয়ে দিব তিনিটা গুৰুত্বপূৰ্ণ ৰায়দান