শিৱসাগৰ, 13 নৱেম্বৰ : ৰহস্যজনকভাৱে দুৰ্ঘটনাত প্ৰাণ হেৰুওৱা কাকপথাৰৰ সাংবাদিক পৰাগ ভূঞাক শুকুৰবাৰে শিৱসাগৰ নগৰৰ সাংবাদিকসকলে একত্ৰিত হৈ শ্ৰদ্ধাঞ্জলি জ্ঞাপন কৰে ৷ নগৰৰ দ'লমুখ চাৰিআলিৰ ড0 ভূপেন হাজৰিকাৰ প্ৰতিমূৰ্তিৰ সন্মুখত প্ৰয়াত সাংবাদিকগৰাকীৰ প্ৰতি বন্তি প্ৰজ্বলন কৰি শ্ৰদ্ধা নিৱেদন কৰাৰ লগতে তেওঁৰ পৰিয়ালৰ প্ৰতি সমবেদনা জ্ঞাপন কৰে উপস্থিত সাংবাদিকসকলে ।
লগতে এই ৰহস্যজনক দুৰ্ঘটনাৰ উচিত তদন্ত দাবী কৰি মৃত্যুৰ কাৰণ নিশ্চিত কৰি হত্যাকাণ্ড বুলি প্ৰমাণিত হ'লে দোষীক কঠোৰ শাস্তি প্ৰদানৰ দাবী জনায় সংবাদিকসকলে । সাংবাদিকৰ ওপৰত চলি অহা নিৰ্যাতন-অত্যাচাৰ বন্ধ কৰাৰ লগতে এনে সংকটৰ সময়ত সকলো সাংবাদিকক একত্ৰিত হৈ এনে অশুভ শক্তিৰ বিৰুদ্ধে মাৰবান্ধি থিয় দিবলৈ আহ্বান জনায় শিৱসাগৰৰ সাংবাদিক মহলে ।
লগতে পঢ়ক : নগাক অসমৰ ভূমিৰ পৰা জাঠি-জোং লৈ খেদিব ৰূপজ্যোতি কুৰ্মীয়ে !
