নগাঁও, 19 ফেব্ৰুৱাৰী : শনিবাৰে নগাঁৱৰ খগেন মহন্ত প্ৰেক্ষাগৃহত কংগ্ৰেছৰ প্ৰশিক্ষণ শিবিৰ চলি থকাৰ মাজতে হঠাৎ প্ৰেক্ষাগৃহৰ সন্মুখত এক উত্তেজনাপূৰ্ণ পৰিস্থিতিৰ সৃষ্টি হয় (Tense situation in front of Khagen Mahanta Auditorium) ৷ পথৰ কাষৰ পৰা কংগ্ৰেছৰ লগতে অগপ দলৰ বেনাৰ প’ষ্টাৰবোৰ আঁতৰোৱাক লৈ প্ৰেক্ষাগৃহৰ জিলা প্ৰশাসনৰ সৈতে তৰ্কযুদ্ধত লিপ্ত হয় কংগ্ৰেছৰ নেতা কৰ্মীসকল ।
জানিব পৰা মতে, লোকনিৰ্মাণ বিভাগৰ পথৰ কাষত বেনাৰ, হৰ্ডিং আদি লগাই নগাঁও পৌৰসভা এলেকাত ৰাজ্যৰ বিৰোধী দল কংগ্ৰেছে এক প্ৰশিক্ষণ শিবিৰ অনুষ্ঠিত কৰে ৷ পিছে প্ৰশিক্ষণ চলি থকাৰ সময়তে পথৰ কাষত থকা কংগ্ৰেছৰ বেনাৰ প'ষ্টাৰসমূহ জিলা প্ৰশাসনে আঁতৰাই দিয়ে । ইয়াকে লৈ ক্ষুন্ন হৈ পৰে কংগ্ৰেছ দলৰ নেতা কৰ্মী সকল ।
জিলা প্ৰশাসনে পথৰ কাষৰ বেনাৰ প'ষ্টাৰ আঁতৰাই দিয়াক লৈ প্ৰতিক্ৰিয়া প্ৰকাশ কৰে যুৱ কংগ্ৰেছৰ নেতা আজাহাৰ উদ্দিনে । বেনাৰ প'ষ্টাৰ আঁতৰোৱা জিলা প্ৰশাসনক ধিক্কাৰৰ লগতে গৰিহণা দিয়ে যুৱ কংগ্ৰেছ নেতাগৰাকীয়ে । ইফালে নিজৰ ভাষণত জিলা প্ৰশাসনক আদৰণি জনায় প্ৰাক্তন মন্ত্ৰী তথা কংগ্ৰেছ নেতা ৰকিবুল হুছেইনে । অৱশ্যে বিজেপি চৰকাৰক "বালিলৈ যি পাত সুগ্ৰীবলৈও একেই পাত" বুলি সমালোচনাত মুখৰ হৈ এইদৰে মন্তব্য দিয়ে ৰকিবুল হুছেইনে (Rockybul Hussain criticizes BJP in Nagaon) ৷
পিনে নগাঁও পৌৰসভা নিৰ্বাচনক লৈ নিৰ্বাচনী আচৰণ বিধি বলৱত হৈ থকা বাবেই চৰকাৰী পথৰ কাষৰ পৰা ৰাজনৈতিক দলৰ বেনাৰ প'ষ্টাৰ আঁতৰোৱা হৈছে বুলি মন্তব্য কৰে আৰক্ষী প্ৰশাসনে । লগতে পথৰ কাষৰ পৰা কংগ্ৰেছৰ লগতে অগপ দলৰ বেনাৰ প'ষ্টাৰো ফ্লায়িং স্কোৱাডৰ দলে আঁতৰোৱা বুলি মন্তব্য কৰে আৰক্ষী বিষয়াই ।
লগতে পঢ়ক : বিজেপি, কংগ্ৰেছ নে আপ ? থোৰতে পঞ্জাৱৰ নিৰ্বাচনী সমীকৰণ
