নগাঁও, 7 মে’: অসম আৰক্ষীয়ে লাভ কৰা দেশৰ অন্যতম সামৰিক সন্মান ৰাষ্ট্ৰপতি কালাৰ সম্মানৰ লগত সংগতি ৰাখি নগাঁও আৰক্ষীয়ে গ্ৰহণ কৰিছে বিভিন্ন কাৰ্যসূচী (Celebration of winning Presidents Colour Award) । শনিবাৰে এই উপলক্ষে নগাঁও আৰক্ষীয়ে পুলিচ ৰিজাৰ্ভত আয়োজন কৰে এক বণাৰ্ঢ্য কাৰ্যসূচী ৷
এই অনুষ্ঠানত উপস্থিত থাকে নগাঁৱৰ আৰক্ষী অধীক্ষক লীনা দলে ৷ তাৰ পাছতেই বিভিন্ন গাঁৱৰ গাঁওৰক্ষী বাহিনীৰ সহযোগত নগাঁও পুলিচ ৰিজাৰ্ভৰ পৰা চাইকেল ৰেলি আয়োজন কৰে (Assam police Cycle Rally in Nagaon) ৷ এই চাইকেল ৰেলিত এক হাজাৰৰো অধিক গাঁওৰক্ষী বাহিনীৰ লোকে অংশগ্ৰহণ কৰে ৷
চাইকেল ৰেলিৰ ফ্লেগ অফ কৰে CRPF ৰ কামাণ্ডিং অফিচাৰে ৷ উল্লেখ্য যে, অসম আৰক্ষীয়ে ৰাষ্ট্ৰৰ প্ৰতি সমৰ্পিত মনোভাৱেৰে আৰু উৎকৃষ্ট মানবিশিষ্ট সেৱা আগবঢ়োৱাৰ বাবে দেশৰ অন্যতম সামৰিক সন্মান ৰাষ্ট্ৰপতি কালাৰ সম্মান লাভ কৰিছে (President colour award) ৷
আগন্তুক 10 মে’ত গুৱাহাটীত অনুষ্ঠিত হ’বলগীয়া এক অনুষ্ঠানত দেশৰ গৃহমন্ত্ৰী অমিত শ্বাহে (Union Home Minister Amit Shah) অসম আৰক্ষীক আনুষ্ঠানিকভাৱে এই বিৰল সন্মান প্ৰদান কৰিব ৷
লগতে পঢ়ক : President Colour Award : অসম আৰক্ষীলৈ ৰাষ্ট্ৰপতি কালাৰ সন্মান
