চামগুৰি, 12 অক্টোবৰ: চামগুৰিৰ বিধায়ক ৰকিবুল হুছেইনৰ ভেঁটি কপাইছে অসম গণ পৰিষদ দলে ৷ চামগুৰিত এইবাৰ যেন ৰাজনৈতিক পট পৰিৱৰ্তন হ'ব নেকি বিধায়ক ৰকিবুলৰ ৷ চামগুৰি ভাটিয়াখালী পঞ্চায়তৰ অন্তৰ্গত লটানি চাপৰিত অগপই আয়োজন কৰিলে বিশাল যোগদান সভা । বিধায়ক ৰকিবুল হুছেইনৰ গৃহ সমষ্টিত কংগ্ৰেছ এৰি দলে বলে যোগদান কৰিছে অগপত (AGP mass joining program at Samaguri)।
বিধায়ক ৰকিবুল হুছেইনৰ কাম-কাজত অসন্তুষ্ট হৈ প্ৰায় চাৰি শতাধিক কংগ্ৰেছ কৰ্মীয়ে মণি মাধৱ মহন্ত আৰু আবু বক্কৰ ছিদ্দিকৰ উপস্থিতিত অসম গণ পৰিষদ দলত যোগদান কৰে (Congress workers joined in AGP at Samaguri) । মুখ্য অতিথি হিচাপে নগাঁও জিলাৰ অসম গণ পৰিষদ দলৰ সভাপতি মণিমাধৱ মহন্ত আৰু লাওখোৱা আঞ্চলিক পঞ্চায়তৰ চেয়াৰমেন আবু বক্কৰ ছিদ্দিকৰ লগতে বহু বিশিষ্ট নেতা কৰ্মী উপস্থিত থাকে সভা খনত ।
বিধায়ক ৰকিবুল হুছেইনে সমষ্টিৰ উন্নয়ন আৰু ৰাইজৰ স্বাৰ্থত গুৰুত্ব নিদিয়াৰ অভিযোগ উত্থাপন হৈছে চামগুৰিত ৷ আগন্তুক নিৰ্বাচনত যেন ইয়াৰ প্ৰত্যুত্তৰ দিবলৈ সাজু হৈছে চামগুৰিৰ ভোটাৰ ।
লগতে পঢ়ক: MLA Akhil Gogoi: বিজেপিৰ বিধায়কে কয়লা ছিণ্ডিকেট চলাই থকাৰ অভিযোগ অখিল গগৈৰ
ইতিমধ্যে চামগুৰি আঞ্চলিক পঞ্চায়ত, জিলা পৰিষদ, লাওখোৱা আঞ্চলিক পঞ্চায়তৰ সভাপতি-সদস্যকে আদি কৰি বহুতেই অগপত যোগদান কৰিছে । সভাত অগপ নেতা মণিমাধৱ মহন্তই কয় যে, কংগ্ৰেছৰ নেতৃত্ব নোহোৱা হৈছে আৰু নীতিও নাইকীয়া হৈছে ৷ কেনেকৈ অসম খন চলাব ৷ কেনেকৈ ভাৰতখন চলাব কংগ্ৰেছে ৷ দলটো এতিয়া দিশহাৰা হৈছে বুলিও মন্তব্য কৰে মণি মাধৱ মহন্তই । তেওঁ লগতে কয় যে, সংখ্যালঘু অসমীয়া মুছলমানে অসম গণ পৰিষদ দলক বিকল্প হিচাপে লৈছে ।
উল্লেখ্য যে, 2001 চনৰ পৰা ধাৰাবাহিকভাৱে চামগুৰি সমষ্টিক প্ৰতিনিধিত্ব কৰি আহিছে প্ৰৱল প্ৰতাপী কংগ্ৰেছ নেতা তথা প্ৰাক্তন মন্ত্ৰী ৰকিবুল হুছেইনে (Samaguri MLA Rokibul Hussain) ৷ প্ৰয়াত প্ৰাক্তন মুখ্যমন্ত্ৰী তৰুণ গগৈ চৰকাৰৰ দিনত বহু কেইটা গুৰুত্বপূৰ্ণ বিভাগৰ মন্ত্ৰীৰ দায়িত্বও লাভ কৰিছিল ৰকিবুল হুছেইনে ৷ ৰকিবুল হুছেইনৰ পূৰ্বে অগপৰ অতুল শৰ্মাই চামগুৰি সমষ্টিক প্ৰতিনিধিত্ব কৰিছিল ৷ কিন্তু শৰ্মাক প্ৰতিহত কৰি 2001 চনত চামগুৰিৰ পৰা বিধায়ক নিৰ্বাচিত হৈ আহে ৰকিবুল হুছেইন ৷
বিগত দুটা দশক কংগ্ৰেছৰ অধীনত থকা চামগুৰি সমষ্টি একপ্ৰকাৰ দলটোৰ অভেদ্য দূৰ্গ হিচাপেই পৰিগণিত হৈছিল ৷ কিন্তু শেহতীয়াকৈ বাকী সমষ্টি সমূহৰ দৰে চামগুৰি সমষ্টিতো কংগ্ৰেছৰ ভেটি থৰক-বৰক হোৱা পৰিলক্ষিত হৈছে (Congress workers joined in AGP) ৷ তাৰ মাজতে সমষ্টিটোৰ বিধায়কগৰাকীয়ে দল সলনি কৰিব বুলি সময়ে সময়ে ওলাই থকা খবৰেও যেন কিছু পৰিমাণে দলৰ প্ৰতি অনিহাৰ সৃষ্টি কৰিছে চামগুৰিৰ কংগ্ৰেছ কৰ্মী সমকলৰ মনত ৷ যাৰ পৰিপ্ৰেক্ষিতত এইদৰে এতিয়া কংগ্ৰেছ এৰি আন দললৈ ঢাপলি মেলিছে একাংশ কংগ্ৰেছী ৷
লগতে পঢ়ক: Pijus Hazarika Vs Bhupen Borah: কংগ্ৰেছে হেনো আনৰ টকা মাৰি খাবলৈহে শিকায়
