বঢ়মপুৰ, 29 মে' : ৰাজ্যৰ ভিন্ন প্ৰান্তৰ লগতে চাহ বাগিচা অঞ্চলতো উদ্বেগজনক ভাৱে বৃদ্ধি পাইছে ক'ভিড-19 ত আক্ৰান্ত ৰোগীৰ সংখ্যা । নগাঁও জিলাৰ কন্দলী চাহ বাগিচাত ৩৫ জনকৈ লোক ক'ভিডত আক্ৰান্ত হৈছে বুলি জানিব পৰা গৈছে ৷
আটাইকেইগৰাকী ৰোগীক বাগিচাখনত থকা চিকিৎসালয়ত কোৱাৰেন্টাইন কৰা হৈছে ৷ চাহ শ্ৰমিকৰ লগতে কন্দলী ক'ভিড হাস্পতালতো মধ্য অসমৰ বহু লোক চিকিৎসাধীন হৈ আছে বুলি জানিব পৰা গৈছে ।
শনিবাৰে বাগিচাৰ ক'ভিড আক্ৰান্ত লোকসকলৰ লগতে কন্দলী ক'ভিড হাস্পতালৰ ৰোগী সকলৰ কাষত কংগ্ৰেছ নেতা ৰকিবুল হুছেইন, বিধায়ক নুৰুল হুদা, বিধায়ক শশীকান্ত দাস আৰু সুৰেশ বৰা উপস্থিত হয় ৷ বিভিন্ন জনৰ মাজত মাক্স, চেনিটাইজাৰ, ঔষধ বিতৰণ কৰে কংগ্ৰেছৰ নেতা বিধায়কসকলে ।
ইফালে দেশৰ কৰ’ণাৰ এই সংকটৰ সময়ত মূল্যবৃদ্ধি, প্ৰতিষেধকৰ নাটনি, ৰূপজ্যোতি কুৰ্মীৰ ওপৰত নগা সকলক আক্ৰমণ সন্দৰ্ভতো মন্তব্য কৰে প্ৰাক্তন মন্ত্ৰী কৰে ৰকিবুল হুছেইনে ।
লগতে পঢ়ক : গোলাঘাটত ড্ৰাগছৰ বিৰুদ্ধে কঠোৰ অভিযান আৰক্ষীৰ
