একেদিনাই ৪০০ টা ঘৰৰ আধাৰশিলা স্থাপন নগাঁৱৰ বিধায়কৰ

পুৱাই প্ৰধানমন্ত্ৰী আবাস যোজনাৰ অধীনত হিতাধিকাৰীৰ ঘৰে ঘৰে উপস্থিত হৈ মাৰাথন আধাৰশিলা স্থাপন বিধায়ক ৰূপক শৰ্মাৰ ৷

নগাঁও, 6 আগষ্ট : মঙলবাৰে পুৱাই লগত দলীয় কৰ্মী আৰু পঞ্চায়ত প্ৰতিনিধি লৈ গাঁৱে গাঁৱে প্ৰধানমন্ত্ৰী আৱাস যোজনা (গ্ৰামীণ)ৰ অধীনত নিৰ্মিত পকীগৃহৰ আধাৰশিলা স্থাপন কৰিলে নগাঁও সমষ্টিৰ বিধায়ক ৰূপক শৰ্মাই ৷ বিধায়ক গৰাকীয়ে নগাঁও সদৰ সমষ্টিৰ অন্তৰ্গত পাখিমৰীয়া উন্নয়ন খণ্ড অন্তৰ্গত ৰনথলী,খাগৰিজান উন্নয়ন খণ্ডৰ অন্তৰ্গত লাওগাঁও,কেন্দুগুৰি,হেৰাপট্ৰি,ভকতগাওঁ পঞ্চায়তৰ অধীনষ্ঠ দৰিদ্ৰ পৰিয়াল সমূহৰ গৃহত উপস্থিত হৈ আধাৰশিলা স্থাপন কৰে প্ৰধানমন্ত্ৰী আৱাসগৃহ যোজনাৰ ৷ আধাৰশিলা স্থাপনত বিধায়ক গৰাকীক সংগ দিয়ে খাগৰিজান আৰু পাখিমৰীয়া উন্নয়ন খন্ডৰ খন্ড উন্নয়ন বিষয়া শেৱালী চক্ৰৱৰ্তীৰ লগতে পঞ্চায়ত সমূহৰ বিষয়া,কৰ্মচাৰীয়ে ৷ বিধায়ক ৰূপক শৰ্মাই আধাৰশিলা স্থাপন কৰা কৰা গৃহসমূহ ৩১ অক্টোবৰ ভিতৰত নির্মাণ কাৰ্য সম্পন্ন কৰিবলৈ নিৰ্দেশ দিয়ে ৷ তেওঁ লগতে জনাই যে ৰাইজে ইয়াৰ ওপৰিও মহাত্মা গান্ধী নিয়োগ নিশ্চিত আচঁনিৰ লগতে চৰকাৰী উজ্জ্বলা আচঁনি,জনস্বাস্থ্য কাৰিকৰী বিভাগৰ অনাময় আচনিৰ সুবিধাও লাভ কৰিব ৷

ইফালে হিতাধিকাৰীয়ে নিজে গৃহ নির্মাণৰ কামত ব্যস্ত হৈ থকা সময়ত দৈনিক ১৯৩ টকাকৈ ৯৫ দিনৰ বাবে জব কাৰ্ডৰ জৰিয়তে লাভ কৰিব ৷ প্ৰধানমন্ত্ৰী আৱাসগৃহ যোজনাৰ অধীনত মুঠ ১ লাখ ৩০ হেজাৰ টকাৰে নিৰ্মাণ হ'বলগীয়া এই গৃহসমূহৰ নিৰ্মাণত কোনো মধ্যভোগী নাথাকিব ৷