নগাঁও, 1 জুলাইঃ নগাওঁ আৰক্ষীৰ জালত পৰিল সোমবাৰৰ পৰা আৰম্ভ হোৱা মেট্ৰিকৰ কম্পাৰ্টমেণ্টেল পৰীক্ষাৰ এজন ভুৱা পৰীক্ষাৰ্থী ৷ নগাওঁ চৰকাৰী বালিকা উচ্চতৰ মাধ্যমিক বিদ্যালয়ৰ পৰীক্ষা কেন্দ্ৰৰ পৰা নিৰীক্ষকে চিনাক্ত কৰে ভুৱা পৰীক্ষাৰ্থীজনক। ভুৱা পৰীক্ষাৰ্থীজন জুৰীয়াৰ কলাডুবা গাঁৱৰ ৰাব্বাজুল ইছলাম ।
ইতিমধ্যেই উচ্চতৰ মাধ্যমিক উত্তীৰ্ণ ৰাব্বাজুলে জুৰীয়া কান্ধুলিমাৰী হাইস্কুলৰ মোবাৰক আলীৰ হৈ বহিছিল পৰীক্ষাত। সোমবাৰে অনুষ্ঠিত গণিত বিষয়ৰ পৰীক্ষাত এডমিট জালিয়াতি কৰি ৰাব্বাজুল বহিছিল পৰীক্ষাত। এই সন্দৰ্ভত নগাওঁ চৰকাৰী বালিকা উচ্চতৰ মাধ্যমিক বিদ্যালয়ৰ অধ্যক্ষই নগাওঁ সদৰ আৰক্ষী থানাত দাখিল কৰা এজাহাৰৰ ভিত্তিত আৰক্ষীয়ে ভুৱা পৰীক্ষাৰ্থী ৰাব্বাজুলক গ্ৰেপ্তাৰ কৰি অব্যাহত ৰাখিছে অভিযান।
আৰু পঢ়কঃ বিশ্বনাথৰ ব্যক্তিগত হাস্পতালৰ বিৰুদ্ধে অত্যাধিক মাচুল লোৱাৰ অভিযোগ ৰোগীৰ
