নগাঁও, 7 অক্টোবৰ: নগাঁৱৰ ধিঙৰ বৰবিল মাজু চৰত দুটা ফৈদৰ মাজত সংঘটিত হৈছে এক প্ৰচণ্ড মাৰপিটৰ ঘটনা । এগৰাকী নাবালিকাক ধৰ্ষণৰ অপচেষ্টাক কেন্দ্ৰ কৰি সংঘটিত হয় মাৰপিটৰ ঘটনা (Clash between two groups at Dhing)।
অভিযোগ অনুসৰি জনৈক ইছলাম উপাধিৰ এটা লম্পটে এগৰাকী কণমানি নাবালিকাক ধৰ্ষণৰ অপচেষ্টা চলায় ৷ যদিও কণমানিজনীয়ে চিঞৰ বাখৰ কৰাত পৰিয়ালৰ লোকে লম্পটটোৰ হাতৰ পৰা কোনোমতে ৰক্ষা কৰে নাবালিকাগৰাকীক (Attempting to rape minor girl)। তাৰ পাছতে নাবালিকাৰ পৰিয়ালে ঘটনা সন্দৰ্ভত ধিং আৰক্ষী থানাত (Dhing Police Station) অভিযুক্ত লম্পটৰ বিৰুদ্ধে এখন এজাহাৰ দাখিল কৰে ।
তাৰ পিছতেই সংঘটিত হয় এই ঘটনা ৷ এজাহাৰ দাখিল কৰি ঘৰলৈ উভতি যোৱাৰ পাছতেই অভিযুক্তৰ পক্ষৰ ১০-১৫ জনীয়া এটা দলে হাতে হাতে দা-লাখুটি লৈ ভুক্তভোগীৰ ঘৰত প্ৰৱেশ কৰি পৰিয়ালৰ সদস্যৰ ওপৰত আক্ৰমণ চলায় । এই আক্ৰমণত ভুক্তভোগী পৰিয়ালটোৰ মহিলাসহ কেইবাগৰাকীলোক আহত হয় ।
সম্প্ৰতি আহত আটাইকেইজন ধিঙৰ এফ আৰ ইউত চিকিৎসাধীন হৈ আছে ।
লগতে পঢ়ক: Gang Rape in Nalbari: নলবাৰীত দলবদ্ধ ধৰ্ষণৰ অভিযুক্তক ফাঁচিৰ দাবী
