নগাঁও, 4 নৱেম্বৰ : নগাঁও ক্ৰীড়া সংস্থাৰ উদ্যোগত নুৰুল আমিন ষ্টেডিয়ামত চলি থকা ৭৩ সংখ্যক স্বাধীনতা দিৱস কাপ ফুটবল প্ৰতিযোগিতাৰ দ্বিতীয়খন কোৱাৰ্টাৰ ফাইনেল শনিবাৰে অনুষ্ঠিত হয় । দিবা নৈশ খেলখন(Day Night Football Match)ত তিনিচুকীয়াৰ বদৌচা স্পৰ্টছ ক্লাৱক হৰুৱাই ছেমি ফাইনেলত প্ৰৱেশ কৰে অসম পুলিচ ব্লু দলে ।
কোৱাৰ্টাৰ ফাইনেল খেলখন নিৰ্দ্ধাৰিত সময়ত কোনো এটা দলে গ’ল কৰিবলৈ সক্ষম নোহোৱাত অমীমাংসিত হৈ হয় ৷ অৱশেষত টাইব্ৰেকাৰৰ সহায়ত অসম পুলিচ ব্লু দলে তিনিচুকীয়াৰ বদৌচা স্পৰ্টছ ক্লাৱক ৪-২ গ'লত পৰাস্ত কৰি ছেমি ফাইনেলত প্ৰৱেশ কৰে ৷
টাই ব্ৰেকাৰত পুলিচ দলৰ হৈ ৰত্ন দেৱ ৰাভা, এন বিকাশ সিং, অজয় বাকলা, মালেৰাম বসুমতাৰীয়ে গ'ল দিয়াৰ বিপৰীতে বদৌচা দলৰ হৈ নিতুল দত্ত আৰু দিপেন মৰাণে দুটা গ'ল দিয়ে ।
লগতে পঢ়ক : NHPC ৰ প্ৰকল্পৰ বিৰুদ্ধে পুনৰ আন্দোলনৰ হুংকাৰ জাতীয় দল-সংগঠনৰ
