নগাঁও, 29 ডিচেম্বৰ : নগাঁও আৰক্ষীয়ে মঙলবাৰে নিশা নগাঁৱৰ হয়বৰগাঁও আৰক্ষী চকীৰ এলেকাৰ পৰা বুজন পৰিমাণৰ হেৰ'ইনসহ দুজনকৈ ড্ৰাগছ ব্যৱসায়ীক আটক(Drug dealer arrested at Nagaon) কৰিবলৈ সক্ষম হয় । নগাঁৱৰ হয়বৰগাঁও আৰক্ষী চকীৰ ভাৰপ্ৰাপ্ত বিষয়া তৰংগ পাটোৱাৰীৰ নেতৃত্বত আৰক্ষীৰ এটা দলে কাতিমাৰীত চলাই এই অভিযান ৷
আৰক্ষীৰ দলটোৱে আটক কৰা ড্ৰাগছ ব্যৱসায়ী দুটা কাতিমাৰীৰ কবিৰ মুল্লা আৰু আব্দুক ৰেজ্জাক বুলি জানিব পৰা হৈছে ৷ অভিযানৰ সময়ত আৰক্ষীৰ দলটোৱে ড্ৰাগছ ব্যৱসায়ী দুটাৰ পৰা বুজন পৰিমাণৰ হেৰ'ইন(Nagaon police seized Heroin) জব্দ কৰিবলৈ সক্ষম হয় । ধৃত কবিৰ মুল্লা আৰু আব্দুল ৰেজ্জাকে বিগত কেইবাদিনধৰি অঞ্চলটোত ড্ৰাগছৰ ৰমৰমীয়া ব্যৱসায় চলাই আহিছিল বুলি জানিব পৰা হৈছে ৷
হয়বৰগাঁও আৰক্ষীয়ে এক গোপন সূত্ৰে লাভ কৰা খবৰৰ ভিত্তিত মঙলবাৰৰ নিশা অভিযান চলাই ড্ৰাগছ ব্যৱসায়ী দুটাক আটক কৰিবলৈ সক্ষম হয় । হয়বৰগাঁও আৰক্ষী চকীৰ ভাৰপ্ৰাপ্ত বিষয়া তৰংগ পাটোৱাৰীয়ে ড্ৰাগছৰ বিৰুদ্ধে অভিযান অনাগত দিনটো অব্যাহত ৰখাৰ কথা জানিবলৈ দিয়ে (anti drug drives and operations by Nagaon Police) ।
লগতে পঢ়ক : Anti Drugs Mission : নগাঁও আৰু নাহৰকটীয়াত ড্ৰাগছসহ সৰবৰাহকাৰী আটক
