যোৰহাট, 29 মে’: মৰিয়নীত বন্দুকসহ আটক দুই যুৱক ৷ স্থানীয় ৰাইজৰ সহযোগত আৰক্ষীয়ে জব্দ কৰে এই মাৰণাস্ত্ৰ ৷ ঘটনা অনুসৰি, নাচিম আলী আৰু আব্দুল মোজাকিৰ আলী নামৰ যুৱকদুজনৰ মাজত কোনো কথাক লৈ শনিবাৰে নিশা কাজিয়াৰ সূত্ৰপাত হয় ৷
তেনে সময়তে স্থানীয় ৰাইজে যুৱক দুজনৰ হাতত বন্দুকটো প্ৰত্যক্ষ কৰি মৰিয়নী আৰক্ষীক খবৰ দিয়ে ৷ লগে লগে ঘটনাস্থলীত মৰিয়নী আৰক্ষী উপস্থিত হৈ বন্দুকটো জব্দ কৰে (Two youths arrested with guns at Mariani ) ৷ লগতে নাচিম আলী আৰু আব্দুল মোজাকিৰ আলীক আটক কৰে ৷
লগতে আৰক্ষীয়ে নাচিম আলী আৰু আব্দুল মোজাকিৰ আলীৰ পৰা এখন প্লেট বিহীন বাইকো জব্দ কৰে ৷ আটকাধীন যুৱক দুজন মৰিয়নী পুখুৰীয়া গাঁও আৰু তিতাবৰ বেগেনা খোৱাৰ বুলি জানিব পৰা গৈছে ৷ সম্প্ৰতি ধৃত যুৱক দুজনক জেৰা অব্যাহত ৰাখিছে মৰিয়নী আৰক্ষীয়ে ৷
লগতে পঢ়ক : গেলামালৰ দোকানৰ পৰা ব্ৰাউন চুগাৰ ভৰ্তি কন্টেইনাৰ জব্দ
